گزشتہ روز گاڑی روکنے والوں کو شہباز شریف نے گھر بلا لیا

سابق وزیراعظم اور پاکستان مسلم لیگ (ن) کے صدر شہبازشریف سےحلقے کے عمائدین کی ملاقات ہوئی ہے،

شہبازشریف نے حلقے کے عمائدین کے مسائل اور شکایات کو سنا ،شہباز شریف کا کہنا تھا کہ حلقے کے عوام ، ووٹرزاورسپورٹرز کی شکایات کا حل اولین ترجیح رہی ہے اور رہے گی ،شہبازشریف نے حلقے کے عمائدین کی شکایات پر انکوائری کی ہدایت کی اور کہا کہ آپ کی شکایات کو سننا اور انہیں حل کرنا میرا فرض ہے.

گزشتہ روز حلقے کے دورے کے موقع پر عمائدین نے شہبازشریف کی گاڑی روکی تھی،شہبازشریف نے جمعرات کو عمائدین کو ملاقات کے لئے بلایا تھا،عمائدین علاقہ نے ملاقات کے لئے بلانے اور شکایات کا ازالہ کرنے پر شہباز شریف کا شکریہ ادا کیا اور کہا کہ فخر ہے کہ آپ ہمارے قائد ، رہنما اور حلقے کی نمائندگی کررہے ہیں،

ملاقات کے بعد سماجی رابطےکی ویب سائٹ ٹویٹر پر شہباز شریف نے ٹویٹ کرتے ہوئے کہا کہ کل میں نے اپنے قومی اسمبلی کے حلقے سے عوامی رابطہ مہم کا آغاز کیا۔ اس کیمپین کا مقصد صرف اپنا ایجنڈا عوام کے سامنے رکھنا ہی نہیں بلکہ ان کی باتیں اور تجاویز سن کر ان سے سیکھنا اور مسائل کا حل تلاش کرنا بھی ہے۔ کل میرے حلقے سے کچھ لوگوں نے میری گاڑی روک کر اپنے مسائل بیان کیے۔ آج میں نے ان کے نمائندوں کو مدعو کیا، ان کے علاقے کے مسئلے کو سنا اور اس کے حل کی یقین دہانی کروائی۔ میرے نزدیک سیاست ایک عبادت ہے اور یہ عبادت خلق خدا کے خدمت کر کے ہی کی جا سکتی ہے۔

کل میں نے اپنے قومی اسمبلی کے حلقے سے عوامی رابطہ مہم کا آغاز کیا۔ اس کیمپین کا مقصد صرف اپنا ایجنڈا عوام کے سامنے رکھنا ہی نہی بلکہ ان کی باتیں اور تجاویز سن کر ان سے سیکھنا اور مسائل کا حل تلاش کرنا بھی ہے۔ کل میرے حلقے سے کچھ لوگوں نے میری گاڑی روک کر اپنے مسائل بیان کیے۔ آج… pic.twitter.com/tCLOodWBss

— Shehbaz Sharif (@CMShehbaz) October 5, 2023

واضح رہے کہ گزشتہ روز شہباز شریف لاہور میں حلقے میں نکلے تھے تو واپسی پر شہباز شریف کی گاڑی روکی گئی تھی، اس کی ویڈیوسوشل میڈیا پر وائرل ہو گئی تھی، شہباز شریف کی گاڑی روکے جانے پر عوامی حلقوں کی جانب سے کہا جا رہا تھا کہ ن لیگی رہنما اور سابق وزیراعظم شہباز شریف پہلے دن عوام میں نکلے اور عوام نے روک لیا،