اسلام آباد: محکمہ موسمیات نے ملک کے بالائی علاقوں میں گرج چمک کے ساتھ بارش کی پیشگوئی کی ہے-
باغی ٹی وی: مانسہرہ میں بالاکوٹ کے مقام پر ہلکی بارش اور پہاڑوں پر برف باری سے موسم سرد ہوگیا ہے ناران، جھیل سیف الملوک، بٹہ کنڈی میں برفباری جاری ہے، جبکہ بارش اور برفباری سے بالائی علاقوں میں موسم مزید سرد ہوگیا ہے،گزشتہ روزاسکردومیں درجہ حرارت منفی 3 ڈگری سینٹی گریڈ رہا اوراسلام آباد میں کم سے کم درجہ حرارت8 ڈگری سینٹی گریڈ ریکارڈ کی گیا ہے۔
دوسری جانب محکمہ موسمیات کے مطابق گلگت بلتستان اورآزادکشمیر میں پہاڑوں پر برفباری متوقع ہے جبکہ اسلام آباد میں آندھی،تیز ہواؤں اورگرج چمک کے ساتھ بارش کا امکان ہے، مری، گلیات، راولپنڈی، اٹک، چکوال، جہلم، منڈی بہاؤالدین میں بارش کا امکان ہے۔
محکمہ موسمیات نے گجرات، گوجرانوالہ،وزیرآباد، سیالکوٹ،نارووال، لاہور،حافظ آباد میں بارش جبکہ فیصل آباد، جھنگ، خوشاب، ٹوبہ ٹیک سنگھ،اوکاڑہ اور اسلام آباد میں میں بارش کے ساتھ چند مقا مات پر ژالہ باری کی پیشگوئی ہے،محکمہ موسمیات کے مطابق سرگودھا، میانوالی،قصور، نوشہرہ، ہری پور،پشاور، کوہاٹ، کرم، بنوں اوروزیرستان میں آندھی،تیز ہواؤں اورگرج چمک کے ساتھ بارش کا امکان ہے،جبکہ چترال، دیر، سوات، کوہستان،مانسہرہ، ایبٹ آباد، بالاکوٹ اورمردان میں بارش متوقع ہے۔
بلوچ طلبا بازیابی کیسَ:کیا ہم خود جب لاپتہ ہوں گے تب سمجھ آئے گی؟،اسلام آباد …
محکمہ موسمیات نے پنجاب، خیبر پختونخوا کے میدانی علاقوں اور بالائی سندھ میں ا سموگ اور دھند رہنے کی پیشگوئی کی گئی ہے، بلوچستان کے بیشتر اضلاع میں موسم خشک اورشمالی علاقوں میں سرد ی برقرار رہے گی جبکہ خیبرپختونخواکے بیشتراضلاع میں مطلع ابر آلود اور صوبے کے چند مقامات پر گرج چمک کے ساتھ بارش، پہاڑوں پر برفباری کا امکان ہے پشاور،چارسدہ،مردان اور صوابی میں صبح اور رات کے اوقات میں دھند چھائی رہے گی جبکہ صوبے میں چند مقامات پر گرج چمک کے ساتھ بارش اور پہاڑوں پر برفباری کا امکان ہے جس سے سردی کی شدت میں مزید اضافہ ہوجائے گا۔
