لاہور سمیت پنجاب بھر میں خشک موسم کا سلسلہ جاری ہے جس کے باعث گرمی کی شدت میں بتدریج اضافہ ہورہا ہے۔
باغی ٹی وی کے مطابق محکمہ موسمیات کا کہناہےکہ لاہور میں آج کم سے کم درجہ حرارت 17 ڈگری سینٹی گریڈ جبکہ زیادہ سے زیادہ 33 ڈگری سینٹی گریڈ تک جانے کا امکان ہے۔ گھروں اور دفاتر میں پنکھوں کے ساتھ ساتھ ایئرکنڈیشنرز کا استعمال بھی بڑھ گیا ہے۔ عیدالفطر کے دوسرے روز موسم مزید گرم ہوگیا ہے اور محکمہ موسمیات کا کہنا ہے کہ کل کی نسبت آج دن میں زیادہ گرمی محسوس کی جائے گی۔ محکمہ موسمیات نے آئندہ دو سے تین روز تک بارش کے امکانات کو رد کرتے ہوئے بتایا ہے کہ موسم خشک رہے گا اور گرمی میں مزید اضافہ ہوسکتا ہے۔
دوسری جانب محکمہ موسمیات نے صوبہ سندھ کے بیشتر اضلاع میں آئندہ 24گھنٹوں کے دوران موسم گرم اور خشک رہنے کی پیش گوئی کی ہے۔کراچی شہر میں اگلے 24گھنٹوں کے دوران زیادہ سے زیادہ درجہ حرارت 36سے 38ڈگری سینٹی گریڈ کے درمیان رہنے کا امکان ہے جبکہ صوبہ میں بنیادی طور پر موسم گرم اور خشک رہنے کا امکان ہے۔
کینال منصوبہ، پیپلز پارٹی سندھ کا احتجاج کے دوسرے مرحلے کا اعلان
گورنرسندھ کا صدر مملکت کے معالج کو فون، نیک خواہشات کا اظہار
ویسٹ انڈیز کرکٹ کی ٹیسٹ ٹیم کےکپتان مستعفی
بحر ہند کے اوپر طیارے کا زبردستی دروازہ کھولنے کی کوشش ، طیارے کی واپسی
