کراچی کے علاقے کورنگی میں چند روز قبل گیس کے اخراج کے باعث آتشزدگی کا واقعہ پیش آیا، جس کے نتیجے میں آگ بدستور لگی ہوئی ہے۔
کنٹونمنٹ بورڈ حکام کے مطابق آگ کی شدت میں ابھی تک کوئی کمی واقع نہیں ہوئی ہے۔آگ کے مقام پر تیل، گیس اور پٹرول کے فائر ایکسپرٹ بھی دورہ کر چکے ہیں۔ سی ای او کنٹونمنٹ بورڈ کی جانب سے ملٹری لینڈز کینٹونمنٹ کراچی ریجن کے سینئر ٹیکنیکل اسٹاف سے بریفنگ بھی لی جارہی ہے۔دوسری جانب، کسی بھی ہنگامی صورتحال سے نمٹنے کے لیے کنٹونمنٹ بورڈ کی ٹیمیں آگ کے مقام پر تعینات ہیں۔ ملٹری لینڈز کینٹونمنٹ کراچی ریجن کے تمام اسٹاف اور فائر ٹینڈر بھی موقع پر موجود ہیں۔
کنٹونمنٹ بورڈ حکام کا کہنا ہے کہ وقفے وقفے سے ٹیمیں جائے وقوعہ کا دورہ کر رہی ہیں اور آگ سے متاثرہ مقام کو مکمل طور پر کارڈن کر دیا گیا ہے۔ سوئی گیس حکام اور پاکستان ریفائنری لمیٹڈ کی ٹیمیں بھی سروے کر رہی ہیں۔
بھارت میں جرمن خاتون سیاح کا ریپ، ملزم گرفتار
ڈاکٹر عافیہ صدیقی، ایک قربانی کی کہانی،تحریر: شہزادی ثمرین
