اسلام آباد: گیس کی قیمت میں حالیہ اضافے پر وزیراعظم محمد شہباز شریف نے برہمی کا ا ظہار کیا ہے-
باغی ٹی وی : ذرائع کے مطابق آئل اینڈ گیس ریگولیٹری اتھارٹی (اوگرا) اور گیس کمپنیوں کی کارکردگی کا جائزہ لینے کا فیصلہ کرلیا وزیر اعظم شہباز شریف نے متعلقہ اداروں کے لیے اہداف مقرر کردئیے، وزارت توانائی کو ایک سے 3 ماہ میں مختلف ٹاسک مکمل کرنے کے احکامات جاری کیے گئے۔
وزیر اعظم نے ایک ماہ میں گیس کی قیمتوں میں حالیہ اضافے کا فرانزک آڈٹ کی رپورٹ پیش کرنے اور 3 ماہ میں گیس انفراسٹرکچر، گیس چوری اور ناقص کارکردگی کی رپورٹ بھی پیش کرنے اور ایران پاکستان گیس پائپ لائن منصوبے کی مانیٹرنگ کے لیے فوری طور پر بین الوزارتی کمیشن قائم کرنے کی بھی ہدایت دی گئی ہے۔
شاہد آفریدی پر تنقید ،پی ٹی آئی رہنما اور سوشل میڈیا ٹیم آمنے سامنے
وزیر اعظم نے ہدایت دی کہ ایک ماہ میں سرپلس بجلی کو کھپانے کے لیے نئے انڈسٹریل زون تیار کرنے کا پلان پیش کیا جائے اور 2 ہفتوں میں گیس انفراسٹریکچر، گیس چوری اور ناقص کارکردگی کی رپورٹ پیش کی جائے، بعدازاں 2 ہفتوں میں پاور اور پیٹرولیم ڈویژن کو گردشی قرضے کا حل تیار کرنے کی بھی ہدایت کردی گئی جبکہ سولر پینل کے استعمال اور نیٹ میٹرنگ سے متعلقہ معاملات حل کرنے کی ہدایت بھی کی گئی۔
