باغی ٹی وی: شیخوپورہ (محمد طلال سے) شیخوپورہ ڈ سٹرکٹ پولیس آفیسر شیخوپورہ فیصل مختار کی ہدایات پر پولیس ملازمان کے ڈسپلن اور ٹرن آؤٹ کو بہتر بنانے کے لیے پولیس پریڈ گراونڈ میں جنرل پریڈ کا انعقاد کیا گیا۔ جس میں ضلع بھر سے پولیس افسران و ملازمان نے شرکت کی۔ڈی ایس پی سٹی سرکل رانا غلام عباس نے پریڈ کی سلامی لی اور معائنہ کیا۔ پولیس جوانوں کو اپنا ٹرن آوٹ مزید بہتر کرنے کی ہدایات کیں۔جنرل پریڈ سے خطاب کرتے ہوئے ڈی ایس پی رانا غلام عباس نے کہا کہ جنرل پریڈ کا مقصد جوانوں کا ڈسپلن اور مورال کو بلند کرنا ہے اورسماج دشمن عناصرکو یہ باور کروانا ہے کہ ہم ہمہ وقت عوام کی جان ومال کی حفاظت کے لیے کسی بھی قربانی سے دریغ نہیں کریں گئے ۔ محکمہ کے عزت میں اضافہ کے لیے تمام پولیس افسران اپنے فرائض کو نیک نیتی اور خوش اسلوبی سے سر انجام دیں. قانون کے نفاذ میں ایسا طریقہ کار اپنائیں جس سے عوام میں پولیس کا مورال بلند ہو.تھانہ میں آنے والے عوام کے ساتھ خوش اسلوبی سے پیش آئیں۔تاکہ عوام اور پولیس کے درمیان دوریوں کو کم سے کم کیا جاسکے۔
Shares:
