برلن: جرمن پولیس نے فلسطین کے حق میں مظاہرہ کرنے والوں کے خلاف کریک ڈاؤن شروع کردیا۔
باغی ٹی وی : بین الاقوامی میڈیا کے مطابق جرمنی کے دارالحکومت برلن میں فلسطین کے حق میں نکلنے والی ریلی پر پولیس نے لاٹھی چارج کیا جبکہ دھرنے کے بعد 4 غیرملکی طلبا کو ڈی پورٹ بھی کردیا گیا ہے،جرمنی میں بھی آزادیِ اظہار رائے کو کچلنے کے لیے سخت قوانین کے ذریعے فلسطین کے حق میں اٹھنے والی آوازوں کو دبایا جارہا ہے۔
آئرش ٹائمز کے مطابق، برلن نے شہر میں رہنے والے دو آئرش شہریوں کے خلاف ملک بدری کے احکامات جاری کیے ہیں، جس میں انہیں فلسطین کے حامی مظاہروں میں شرکت کے بعد ملک چھوڑنے کی ہدایت کی گئی ہے۔
فوجی عدالتیں آئین کی کس شق کے تحت ہیں،جسٹس جمال مندوخیل
اکتیس سالہ برٹ مرے اور 29 سالہ شین اوبرائن اکتوبر 2023 میں اسرائیل کی جانب سے غزہ میں نسل کشی کی بمباری کی مہم شروع کرنے کے بعد سے فلسطینیوں کی حمایت میں مظاہروں میں شرکت کر رہے ہیں۔
اوبرائن کو جرمن پولیس نے گزشتہ اکتوبر میں برلن میں ایک احتجاج کے دوران گرفتار کیا تھا۔ آئرش ٹائمز کی خبر کے مطابق، مرے پر پولیس نے غزہ میں فلسطینیوں کی حمایت میں مظاہروں میں ممنوعہ نعرے لگانے کا الزام لگایا ہے۔
انکے بیٹے مریں نہ ، اٹھائے جائیں تو ان کو پتہ چلے ، لاپتہ بیٹوں کی والدہ کی عدالت میں دہائی
دونوں آئرش شہریوں کے ساتھ، دو دیگر کے ساتھ – ایک امریکی شہری اور ایک پولش شہری – کو مارچ میں جرمن ہجرت کے قانون کے تحت ملک بدری کے احکامات جاری کیے گئے ہیں اور کسی جرم میں سزا نہ ہونے کے باوجود انہیں ملک چھوڑنے کے لیے 21 اپریل کی ڈیڈ لائن دی گئی ہے۔
