![pak,germany](https://baaghitv.com/wp-content/uploads/2023/08/buddy-bear.jpg)
کوئٹہ میں جرمنی اور پاکستان کے درمیان 70 سالہ دوستی کی نشانی ”بڈی بیر“ نصب کرکے جی پی او چوک کو ”برلن کوئٹہ فرینڈ شپ اسکوائر“ کے نام سے منسوب کردیا گیا۔
باغی ٹی وی: بڈی بیئر کو برلن، واشنگٹن اور نیویارک سمیت مختلف شہروں میں امن کا پیغام سمجھا جاتا ہےاس موقع پر جرمن قونصل جنرل روڈیگر لاٹز نے میڈیا سے گفتگو کرتے ہوئے کہا کہ بڈی بیئر برلن کی علامت ہے،پاکستان میں پہلا بڈی بیئر نصب کیا گیا ہے بڈی بیر کے پھیلے ہوئے ہاتھ امن اور تعاون کی علامت ہیں ہمیں خوشی ہے دوستی کی نشانی بڈی بیئر یہاں نصب کیا گیا ہے-
German Consul General Dr. Rüdiger Lotz, joined hands with Administrator Quetta Jabbar Baloch and Mir Murad Baluch, the Honorary Consul of Germany in Quetta, for the inauguration of the Berlin-Quetta Friendship Square. #pakgerman #germanpak #friendship #buddybear pic.twitter.com/hNrxgtH6hn
— Metropolitan Corporation Quetta (@MCQuettaGov) August 7, 2023
انہوں نے کہا کہ ہمیں موسمیاتی تبدیلیوں کے چیلنجز کا سامنا مشترکہ طور پر کرنا ہے۔ بڈی بیئر کی تنصیب پر ایڈمنسٹریٹر کوئٹہ کے شکر گزار ہیں، ہم شکر گزار ہیں کہ چوراہے کا نام کوئٹہ برلن سکوائر رکھا ہے بڈی بیئر کی کوئٹہ میں تنصیب پاک جرمن دوستی کے لیے اہمیت کا حامل ہے بڈی بیئر چھ ہزار کلو میٹر کا طویل سفر طے کر کے کوئٹہ پہنچا ہے۔
سویلینزکے فوجی عدالتوں میں ٹرائل کیخلاف کیس کی سماعت کاحکمنامہ جاری
#BuddyBear installed in #Quetta like in 16000 cities of the globe…#BerlinChowk @panjgur @GermanyinPAK pic.twitter.com/PQW8CruBT5
— Quetta Voice (@VoiceQuetta) August 6, 2023
اعزازی قونصل جنرل مراد بلوچ نے میڈیا سے بات چیت کرتے ہوئے کہا کہ کوئٹہ میں بڈی بیرنصب کرنے کا مقصد امن و دوستی کے فروغ کا پیغام ہے، پاکستان اور جرمنی کے درمیان سفارتی تعلقات کو ستر سال ہوچکے ہیں۔
اس موقع پر ایڈمنسٹریٹر کوئٹہ جبار بلوچ نے میڈیا سے بات چیت میں کہا کہ پاک جرمن 70 سالہ تقاریب کے بعد بڈی بیئر کی تنصیب اہم ہے، ہمیں فخر ہے پاکستان کا پہلا بڈی بیئر کوئٹہ میں نصب کیا گیا، بڈی بیئر کوئٹہ کی خوبصورتی اور دونوں ممالک کی دوستی میں اضافہ کرے گا بڈی بیئر کی تزئین و آرائش کوئٹہ کے طلبعلم محمد شہاب سے کرائی گئی۔