پاکستانی اداکارہ غنا علی نے سوشل میڈیا پر شادی شدہ عورتوں کے لیے معنی خیز پیغام شیئر کیا ہے۔
باغی ٹی وی : حال ہی میں شادی کرنے والی اداکارہ غنا علی نے سماجی رابطے کی ویب سائٹ انسٹاگرام پر شادی شدہ عورتوں کی رہنمائی کے لیے حضرت علیؓ کا مشہور قول شیئر کیا ہے۔
قول کچھ اس طرح ہے کہ ’بے وقوف عورت اپنے شوہر کو غلام بناتی ہے اور غلام کی بیوی بن کر زندگی گزارتی ہے لیکن عقلمند عورت اپنے شوہر کو بادشاہ بناتی ہے اور بادشاہ کی بیوی بن کر زندگی گزارتی ہے۔‘
واضح رہے کہ اداکارہ غنا علی نے سوشل میڈیا پر اپنے شوہر عُمیر گلزار کے ہمراہ تصویریں شیئر کیں تو صارفین کی جانب سے تنقید کے تیر برسنا شروع ہوگئے اور صارفین کی جانب سے اُن کے شوہر کو انکل قرار دے دیا گیا تھا۔
غنا علی نے شوہر کی ظاہری شخصیت کا مذاق اڑانے والی صارف کی کلاس لے لی
جس پر اداکارہ غنا علی نے شوہر کی ظاہری شخصیت کا مذاق اُڑانے والی صارف پر برہمی کا اظہار کیا تھا غنا علی نے ردعمل دیتے ہوئے کہا تھا کہ مجھے آنٹی بول لو مگر براہِ کرم میرے شوہر کو کچھ نہ کہو ، یہ ایک درخواست ہے۔
کیا غنا علی کے شوہر عمیر گلزار پہلے سے شادی شدہ ہیں؟
واضح رہے کہ اداکار غنا علی اب تک کے پاکستان کے کئی ڈراموں میں اپنی اداکاری کے جوہر دکھا چکی ہیں جن میں سُن یارا، کس دن میرا ویاہ ہووے گا سیزن 4، سایہ دیوار بھی نہیں، ہانیہ، چھوٹی چھوٹی باتیں اور سراب سمیت دیگر ڈرامے شامل ہیں۔
اس کے علاوہ غنا علی پاکستان کی کچھ مشہور فلموں میں بھی کام کرچکی ہیں جن میں رنگریزہ، مان جاؤ نا، اور کاف کنگنا شامل ہیں۔
