جہلم: شہر کے ایک ہاؤسنگ سوسائٹی میں واقع گھر سے 18 سالہ ملازمہ کی لاش برآمد ہونے سے علاقے میں ہلچل مچ گئی ہے۔ پولیس کے مطابق مقتولہ اوکاڑہ کی رہائشی تھی
پولیس حکام نے بتایا کہ لڑکی کے جسم پر تشدد کے کوئی واضح نشانات نہیں پائے گئے، جس کے باعث ابتدائی طور پر قتل کے محرکات کا تعین کرنا مشکل ہو رہا ہے۔ تاہم، واقعے کی مکمل تحقیقات شروع کر دی گئی ہیں اور گھر کے مکینوں سمیت دیگر متعلقہ افراد سے پوچھ گچھ جاری ہے۔پولیس نے اس ضمن میں کارروائی کرتے ہوئے تین افراد کو حراست میں لے لیا ہے جن میں گھر کی مالک خاتون بھی شامل ہے۔ گرفتار شدگان سے مزید تفتیش کے ذریعے معاملے کی اصل حقیقت سامنے لانے کی کوشش کی جا رہی ہے
