ریلوے پولیس نے سائوتھ افریقہ جانے کے لئے گھر سے بھاگنے والی 3نابالغ بچیوں کو ریسکیو کر کے ورثاء کے حوالے کر دیا ۔
باغی ٹی وی کے موصول اطلاعات میں ترجمان ریلوے پولیس نے بتایا کہ ڈی جی خان کی رہائشی 14سالہ عافیہ، علیشا اور ایمن آپس میں کزن تھیں، نابالغ بچیاں پہلے لاہور سے کراچی پھر سائوتھ افریقہ جانا چاہتی تھیں۔تینوں بچیاں بس کے ذریعے ڈی جی خان سے ریلوے اسٹیشن لاہور آپہنچی تھیں۔ڈیوٹی کانسٹبل شاہ نواز نے بچیوں کو ریلوے اسٹیشن کے مین پورچ میں لاوارث پاکر حفاظتی تحویل میں لیا۔ بچیوں نے انکشاف کیا کہ وہ بہتر مستقبل کیلئے گھر سے نکلی ہیں۔ بچیوں کے ورثا نے ان کی گمشدگی کی ایف آئی آر تھانہ کوٹ مبارک ڈی جی خان میں درج کروا رکھی تھی۔ ریلویز پولیس کی بروقت کارروائی نے بچیوں کو انسانی اسمگلرز کے ہتھے چڑھنے سے بچالیا۔ ورثا نے ریلویز پولیس کا شکریہ ادا کیا جن کی بروقت کارروائی کی بدولت بچیوں کو بحفاظت ان کے حوالے کردیا۔
سیکریٹری ریلوے کی چیف سیکریٹری سندھ سے ملاقات، جاری منصوبوں پر تبادلہ خیال
