پر اسرار طور پر غائب ہونے والے امیگریشن و پاسپورٹ افسر کا سراغ مل گیا۔
اسسٹنٹ ڈائریکٹر پاسپورٹ امیگریشن حیات تارڑ نے وفاقی دارالحکومت کی اسلام آباد پولیس سے رابطہ کر لیا ہے،اس ضمن میں حیات تارر کے بھائی صدف حسین کا بیان حلفی بھی سامنے آیا ہے جس میں اسکا کہنا ہے کہ میرا بھائی غائب نہیں ہوا بلکہ رضاکارانہ طور پر غیر حاضر تھا۔
اسسٹنٹ ڈائریکٹر حیات تارڑ کومختلف الزامات کی وجہ سے معطل کیا گئا تھا جس کے بعد وہ 30 مئی سے پراسرار طور پر غائب تھا ، ملزم پر پاسپورٹس کے اجرا میں بے ضابطگی اور کرپشن کا الزام ہے۔
حیات تارڑ کے اہلخانہ نے پاسپورٹ حکام پر حبس بے جا میں رکھنے کا الزام عائد کیا تھا جس پر اسلام آباد ہائیکورٹ نے پاسپورٹ حکام کےخلاف مقدمہ درج کرنے کا حکم دیا تھا تا ہم اب حیات تارڑ از خود سامنے آ گیا .
