Ayesha Rehmani
انقرہ: ترک امدادی ادارے ہیومینٹیرین ریلیف فاؤنڈیشن (آئی ایچ ایچ )نے مقبوضہ فلسطین کے علاقے غزہ تک امداد پہنچانے کے لیے دو بحری جہاز خرید لیے۔
باغی ٹی و ی: غیر ملکی خبررساں ادارے کے مطابق آئی ایچ ایچ کے چیئرمین بلینٹ یلدرم نے استنبول کی بندرگاہ پر غزہ تک امدادی سامان پہنچانے کے منصوبے ’انٹرنیشنل فریڈم فلوٹیلا‘ کے لیے خریدے گئے جہازوں کا معائنہ کیااپنے تحریری بیان میں آئی ایچ ایچ کے چیئرمین کا کہنا تھا کہ امدادی مشن کے لیے خریدے گئے دو میں سے ایک جہاز ’انادولو‘ میں ساڑھے 5 ہزار ٹن سامان لےجانے کی گنجائش ہے۔
انادولو کو امدادی سامان لادنا ہے جبکہ دوسرے جہاز میں ڈاکٹروں سمیت انسانی ہمدردی کے عملے کو لے جایا جائے گا، فوری طور پر یہ معلوم نہیں ہو سکا کہ بحری جہاز غزہ کے لیے کب روانہ ہوں گے یا ایک بار وہاں سے امداد کہاں یا کیسے پہنچائیں گے۔ ترکی نے اب تک ہمسایہ ملک مصر کے راستے غزہ کے لیے اپنی امداد بھیجی ہے۔
اسرائیل کے ساتھ فیصلہ کن مذاکراتی جنگ لڑ رہے ہیں، جس میں جیت ہماری ہوگی،حماس
واضح رہے کہ آئی ایچ ایچ ہی وہ این جی او ہے جس کی جانب سے 2010 میں غزہ کی ناکہ بندی توڑنے کے لیے بھیجے جانے والے امدادی جہاز ماوی مرمرہ پر اسرائیلی فورسز نے حملہ کردیا تھااس حملے کے نتیجے میں جہاز پر موجود 10 امدادی کارکن جاں بحق ہوگئے تھے اس حملے کے بعد اسرائیل اور ترکی کے درمیان سفارتی بحران بھی پیدا ہوگیا تھا۔
اسرائیلی فوجی خواتین پر ان کے اہلخانہ کے سامنےریپ کر رہے ہیں،ڈاکٹر کا انکشاف
فی الحال، امدادی ایجنسیوں کا کہنا ہے کہ غزہ میں ضروری سامان کا صرف پانچواں حصہ داخل ہو رہا ہے کیونکہ اسرائیل فضائی اور زمینی حملے جاری رکھے ہوئے ہے جس نے حماس کے زیر اقتدار ساحلی علاقے کو تباہ کر دیا ہے اور کچھ حصوں کو قحط کے دہانے پر دھکیل دیا ہے،غزہ کے ساحلوں پر ہوائی جہاز یا سمندری راستے سے براہ راست ترسیل اسرائیل یا مصر کے راستے زمینی راستے سے آنے والی سپلائی کا کوئی متبادل نہیں ہے۔
