fbpx

غیر ملکی باشندوں کے اغوا اور تاوان میں ملوث 6 ملزمان گرفتار

باغی ٹی وی کی رپورٹ کے مطابق پنجاب کے صوبائی دارالحکومت لاہور میں 2 غیر ملکی باشندوں کے اغوا اور تاوان میں ملوث 6 ملزمان گرفتار کرلئے گئے

گرفتار ملزمان سے 3 گاڑیا ں اورایک ہزار غیر ملکی کرنسی بھی برآمد کر لی گئی ملزمان نے غیر ملکی باشندوں کی رہائی کے لیے تاوان کی رقم بٹ کوائن سے ادا کرنے کا کہا تھا ،پولیس کے مطابق مرکزی ملزم واردات کے بعد اسلام آباد سے بذریعہ ترکی یورپ فرار ہو گیا تھا، ملزم کو اشتہاری قرار دلوا کر انٹرپول کی مدد سے واپس لائے جانے کی کوششیں جاری ہیں

پولیس کے مطابق گرفتار ملزمان کو عدالت پیش کیا جائے گا اور انکا جسمانی ریمانڈ لیا جائے گا ،ملزمان سے دوران تحقیقات مزید انکشافات کی توقع ہے ،

دوسری جانب لاہور میں جرائم میں اضافہ ہو گیا ہے، پولیس جرائم کو روکنے میں ناکام ہو چکی ہے، دن دہاڑے ڈکیتی کی وارداتیں ہو رہی ہیں، مسلح ملزمان لوٹ کر چلے جاتے ہیں لیکن پولیس مقدمے ہی درج نہیں کرتی ،نہ ہی ملزمان گرفتار ہوتے ہیں، اگر ملزمان گرفتار بھی ہو جائیں تو مال مسروقہ واپس مالکان کو نہیں دیا جاتا

جواب چھوڑیں

آپ کا ای میل ایڈریس شائع نہیں کیا جائے گا.