پاکستانی کسٹمز حکام نے غیر ملکی کمپنی کے خلاف منی لانڈرنگ کی تحقیقات شروع کردی ہیں۔
اسلام آباد سے خصوصی رپورٹ کے مطابق، کسٹمز ڈائریکٹوریٹ نے غیر ملکی کمپنی ایم/ایس انٹر لنک ٹریڈ ایف زیڈ سی اور اس کی پاکستانی شراکت دار ایم/ایس انٹر لنک کارپوریشن (این ٹی این 3026149) لاہور کے خلاف مبینہ انڈر انوائسنگ اور تجارتی بنیادوں پر منی لانڈرنگ کی جامع تحقیقات کا آغاز کر دیا ہے۔سرکاری دستاویزات کے مطابق، ایم/ایس انٹر لنک ٹریڈ ایف زیڈ سی نے ڈنکن ڈونٹس اور باسکین رابنز جیسے معروف برانڈز کے آئس کریم کے ذائقوں کے ساتھ ساتھ اے ایچ جی فوڈ کے آئس کریم مصنوعات کو ایم/ایس انٹر لنک کارپوریشن لاہور کو 3.4 سے 3.5 ڈالر فی کلوگرام کی انتہائی کم قیمت پر برآمد کیا۔ سامان براہ راست امریکہ سے پاکستان بھیجا گیا، جبکہ متحدہ عرب امارات کی کمپنی نے کم قیمت پر سیلز انوائس جاری کیے۔کسٹمز حکام نے اسٹیٹ بینک آف پاکستان کی فنانشل مانیٹرنگ یونٹ (ایف ایم یو) سے مدد طلب کی ہے تاکہ لین دین سے متعلق اہم معلومات حاصل کی جا سکیں، جن میں بینک اکاؤنٹ کی تفصیلات، لین دین کے ریکارڈ اور متعلقہ بینکنگ تعلقات شامل ہیں۔کسٹمز ڈائریکٹوریٹ کے ڈائریکٹوریٹ جنرل آف انٹیلی جنس اینڈ انویسٹی گیشن کی زیر قیادت اس تحقیقات کا مقصد انڈر انوائسنگ اور تجارتی بنیادوں پر منی لانڈرنگ کے شواہد کو بے نقاب کرنا ہے۔ تحقیقات میں مبینہ اسکیم میں ایم/ایس انٹر لنک کارپوریشن کے کردار کا بھی جائزہ لیا جائے گا۔
یہ معاملہ منی لانڈرنگ اور دہشت گردی کی مالی معاونت کے لیے بین الاقوامی تجارت کے غلط استعمال کے بارے میں خدشات کو اجاگر کرتا ہے۔پاکستان کسٹمز حکام نے بتایا ہے کہ پاکستان کی معیشت کو نقصان پہنچانے اور قومی سلامتی کو خطرے میں ڈالنے والی ایسی حرکتوں میں ملوث افراد اور کمپنیوں کے خلاف سخت کارروائی کرنے کا عزم کیا ہے۔
باسکن رابنز پاکستان کو اربوں روپے جرمانے اور منی لانڈرنگ کی تحقیقات کا سامنا
اڈیالہ جیل میں قید عمران خان نے بالآخر گھٹنے ٹیک دیئے
جعلی ڈگری،جسٹس طارق جہانگیری کے خلاف ریفرنس دائر
عمران خان کیخلاف درخواست دینے پر جی ٹی وی نے رپورٹر کو معطل کردیا
سوال کرنا جرم بن گیا، صحافی محسن بلال کو نوکری سے "فارغ” کروا دیا گیا
صوبائی کابینہ نے بانی پی ٹی آئی کے خلاف شواہد کے تحت کارروائی کی اجازت دی
پاکستان سٹیل ملز کو نجکاری کے لسٹ سے نکال لیا گیا، رانا تنویر
رپورٹ،زبیر قصوری،اسلام آباد،
[pdf-embedder url=”https://baaghitv.com/wp-content/uploads/2024/09/Baskin-Robbins-FMU-Letter.pdf” title=”Baskin Robbins – FMU Letter”]
