میرپورماتھیلو،باغی ٹی وی (نامہ نگارمشتاق علی لغاری)سندھ پنجاب کے سرحدی علاقے تھانہ ماچھکہ میں حفاظتی بند کے قریب ڈاکوئوں اور پولیس کے درمیان مقابلہ میں4ڈاکو مارے گئے جبکہ ایس ایچ او مقابلے کے دوران دل کا دورہ پڑنے سے شہید ہوگیا 1 پولیس اہلکار بھی زخمی ہوگیا۔
تفصیلات کے مطابق سندھ پنجاب کے سرحدی علاقے پنجاب ماچھکہ تھانہ کچے کے علاقے میں حفاظتی بند کے قریب ہنی ٹریپ کے ذریعے اغوا کئے گئے شہری کی بازیابی کے لئے پنجاب پولیس ماچھکہ کچے میں پہنچی تو ڈاکوئوں نے فائرنگ کر دی پولیس کی جوابی فائرنگ کے نتیجے میں شرگینگ کے چار ڈاکو مارے گئے جبکہ ایس ایچ او ماچھکہ رانا رمضان مقابلے دوران دلدل میں پھنس گئے گرمی اور حبس کی وجہ سے مقابلے کے دوران دل کا دورہ پڑنے سے شہید ہوگئے اور پولیس اہلکار قیصر چٹھہ زخمی ہوگئے جنہیں اسپتال منتقل کردیا گیا ہے ۔
آخری اطلاعات تک ڈاکوئوں اور پولیس کے درمیان مقابلہ جاری ہے ضلع رحیم یار خان بھر کی پولیس کی بھاری نفری کچے طلب کر لی گئی ہے ڈی پی او رحیم یار خان عمران احمد ملک کے مطابق مقابلے میں مارے جانے والے ڈاکوئوں کی شناخت ڈاکو صدیق شر، رکھو کوش، رانو شر کے نام سے ہوئی ڈی پی او رحیم یار خان عمران احمد ملک نے کہا کہ ڈاکوئوں کے خاتمے تک ماچھکہ کچے میں آپریشن جاری رہے گا
اُدھر گھوٹکی میں کچے کے علاقے رونتی تھانے کے قریب ڈاکوؤں نے پولیس پر فائرنگ کر دی جس کے نتیجے میں3 اہلکار شہید ہو گئے۔ایس ایس پی سمیر نور کے مطابق پولیس اہلکاروں کو ڈیوٹی پر جاتے ہوئے نشانہ بنایا گیا، شہید اہلکاروں میں عبدالسمیع سموں،عبدالحنان اور شفیق احمدگل شامل ہیں۔
انہوں نے بتایا کہ حملے کے بعد ملزمان فرار ہوگئےجس کے بعد ناکہ بندی کر کے تلاش شروع کر دی گئی ہے۔
