گھوٹکی (باغی ٹی وی نامہ نگار مشتاق علی لغاری)گھوٹکی میں آبادگار اتحاد سندھ پنجاب کی جانب سے ڈی سی آفس کے مرکزی گیٹ پر بھرپور احتجاجی دھرنا دیا گیا، جس کے باعث موقع پر ماحول انتہائی کشیدہ رہا۔ دھرنے میں خواتین رہنماؤں میڈم یاسین طاہرہ چنہ، میڈم خورشید انڑ سمیت پنجاب سے آئے رہنما رانجھا خان چانگ اور دیگر شخصیات نے شرکت کی۔
احتجاج کے دوران ایک شریک مظاہر نے اپنے مطالبات کے حق میں گنے کو آگ لگا کر سنسنی خیز احتجاج کیا، جس نے ماحول کو مزید گرم کر دیا۔
دھرنے میں آبادگار اتحاد کے ضلعی رہنماؤں محمد حسن چاچڑ، عبدالجبار دھاریجو، مولانا محمد اسحاق لغاری، عبدالغفار چاچڑ، حماداللہ چاچڑ اور نواب علی چاچڑ نے بھی شرکت کی۔ رہنماؤں نے حکومت کو سخت پیغام دیتے ہوئے کہا کہ آبادگاروں کے مسائل فوری حل نہ کیے گئے تو احتجاج کا دائرہ مزید وسیع کر دیا جائے گا۔
مظاہرین کا کہنا ہے کہ وہ اپنے جائز حقوق کے لیے ہر سطح پر آواز بلند کرتے رہیں گے، جبکہ ضلعی انتظامیہ کی جانب سے صورتحال کو کنٹرول میں رکھنے کے لیے اضافی سیکیورٹی تعینات کر دی گئی۔
