گھوٹکی (باغی ٹی وی، نامہ نگار مشتاق علی لغاری) گھوٹکی سینٹرل جیل کے نزدیک ماٹھيلو–مومل جی ماڑی لنک روڈ پر تیز رفتاری کے باعث موٹر سائیکل اور رکشا میں خوفناک ٹکر ہوگئی۔ حادثے میں موٹر سائیکل سوار نثار احمد ٹانوری موقع پر ہی جاں بحق ہوگیا جبکہ محمد علی ٹانوری شدید زخمی ہوا، جسے ریسکیو ٹیم نے اسپتال منتقل کردیا جہاں اس کی حالت تشویشناک بتائی جا رہی ہے۔
علاقہ مکینوں کے مطابق لنک روڈ پر تیز رفتاری اور ٹریفک قوانین کی عدم پابندی حادثات کا سبب بن رہی ہے۔ پولیس نے موقع پر پہنچ کر شواہد اکٹھے کرلیے ہیں اور تفتیش جاری ہے۔ جناح ہونے والے نثار احمد کی لاش ضروری کارروائی کے بعد ورثا کے حوالے کر دی گئی، جبکہ علاقے میں سوگ کی فضا قائم ہے۔
