گھوٹکی (باغی ٹی وی، نامہ نگار مشتاق علی لغاری)تھانہ اوباڑو پولیس نے بہترین کارروائی کرتے ہوئے چوری کے مقدمے میں مطلوب تین ملزمان کو مسروقہ موٹر سائیکل سمیت گرفتار کر لیا۔ ڈی ایس ایس پی گھوٹکی محمد انور کھیتران کی ہدایات پر روپوش اشتہاری اور جرائم پیشہ عناصر کے خلاف کارروائیاں مزید تیز کر دی گئی ہیں۔
پولیس کے مطابق دورانِ گشت خفیہ اطلاع پر کی گئی کارروائی میں کرائم نمبر 219/2025 دفعہ 381A ت۔پ کے مقدمے میں مطلوب ملزمان — ساجد علی عرف ماجد علی ملک، محمد اسلم ملک اور محمد علی ملک کو گرفتار کیا گیا۔
یاد رہے کہ ملزمان نے مورخہ 12 نومبر 2025 کو میر حسن ولد وزیر احمد چوہان، مسلم کالونی اوباڑو کی موٹر سائیکل فیضان پنجتن پاک مدرسہ، ریتی روڈ نزد بائی پاس اوباڑو سے چوری کی تھی۔
پولیس نے مسروقہ موٹر سائیکل قانونی کارروائی کے بعد اصل مالک کے حوالے کر دی۔
