گھوٹکی:ڈاکوؤں کے خلاف پولیس کا گرینڈآپریشن،نہ کوئی ڈاکوزخمی ،نہ کوئی گرفتاری اور نہ ہی اسلحہ پکڑا،مغوی پولیس اہلکاربازیاب

میرپورماتھیلو،باغی ٹی وی(نامہ نگار مشتاق علی لغاری)ڈاکوؤں کے خلاف پولیس کا گرینڈآپریشن،نہ کوئی ڈاکوزخمی ،نہ کوئی گرفتاری اور نہ ہی اسلحہ پکڑا، اغواء ہونے والے دونوں اہلکاروں کو پولیس نے بازیاب کروالیا۔

پولیس کے اس آپریشن کی خاص بات یہ ہے ڈاکوؤں کے خلاف ہونے والے گرینڈ آپریشن میں نہ توکوئی ڈاکوزخمی ہوا،نہ ہی کسی ڈاکوکی گرفتاری عمل میں لائی گئی اور نہ ڈاکوؤں کااسلحہ پولیس نے قبضے میں لیا
یہ بھی پڑھیں
گھوٹکی:پولیس چوکی پر کچے کےڈاکوؤں کا حملہ,ایک پولیس اہلکار جاں بحق,2 اغواء

ذرائع کا بتانا ہے کہ پولیس نے اپنے مغوی اہلکاروں کی بازیابی کیلئے آپریشن نہیں کیا بلکہ ڈاکوؤں سے مذاکرات کر کے اپنے دواہلکاروں کو ڈاکوؤں سے واپس لیا، لیکن پولیس دعویٰ کررہی ہے کہ دونوں مغوی پولیس اہلکاروں بازیابی آپریشن کے بعد ہوئی ہے۔

پولیس کا یہ ایکشن ڈاکو آندل سندرانی کے قریب پولیس چوکی نمبر پانچ پر حملہ کے بعد ہوا، جس میں ڈاکوؤں نے ایک پولیس جوان کو شہید کیا اور دو کو وہ اٹھا کر لے گئے تھے اورسرکاری اسلحہ بھی لوٹ کر لے گئے تھے

ذرائع کابتانا ہے پولیس چوکی پر حملہ قادر پور کے قریب پولیس مقابلہ میں ایک ڈاکو کی ہلاکت کا بدلہ تھا۔