گھوٹکی (باغی ٹی وی نامہ نگار مشتاق علی لغاری)ڈی آئی جی سکھر محمد انور کھیتران کی خصوصی ہدایت پر گھوٹکی پولیس کی جرائم پیشہ عناصر اور جواریوں کے خلاف کریک ڈاؤن جاری ہے۔ اسی سلسلے میں ایس ایچ او تھانہ ڈھرکی مصور حسین قریشی نے خفیہ اطلاع پر کارروائی کرتے ہوئے جوئے کے اڈے پر چھاپہ مار کر 14 ملزمان کو رنگے ہاتھوں گرفتار کرلیا۔
پولیس کے مطابق گرفتار ہونے والوں میں عبدالقادر مہر، مہتاب چاچڑ، وقار شر، شعیب کھرل، مشتاق کھرل، شاہد کھرل، زاہد کھرل، اظہر کھرل، محمد اختر جتوئی، ایاز چاچڑ، محمد اسلم چاچڑ، سندر لعل ہندو، پیر بخش چنہ اور علی اکبر چنہ شامل ہیں۔ موقع سے 3 تاشوں کے سیٹ، 5 موٹر سائیکلیں، 2 موبائل فونز اور 3800 روپے نقد رقم برآمد کرلی گئی۔
پولیس کا کہنا ہے کہ گرفتار ملزمان کے دو نامعلوم ساتھی موقع سے فرار ہوگئے جن کی تلاش جاری ہے۔ تمام گرفتار ملزمان کو تھانہ منتقل کر کے ان کے خلاف کرائم نمبر 210/2025، دفعہ 5 سندھ جواء ایکٹ کے تحت مقدمہ درج کرلیا گیا ہے۔ پولیس حکام نے واضح کیا ہے کہ ضلع بھر میں جوئے، منشیات اور دیگر جرائم کے خلاف بلا امتیاز کارروائیاں جاری رہیں گی۔
