میرپور ماتھیلو: گھوٹکی سبزی منڈی میں لوٹ مار کا واقعہ، شہریوں کا احتجاج

میرپور ماتھیلو (باغی ٹی وی، نامہ نگار مشتاق علی لغاری) سبزی منڈی گھوٹکی کے ایک بیوپاریوں سے لوٹی گئی رقم کی عدم واپسی پر شہری اتحاد کی جانب سے آج ایک بڑی احتجاجی ریلی نکالی گئی۔ ریلی کا آغاز سبزی منڈی سے ہوا اور شرکاء نے پریس کلب گھوٹکی تک مارچ کیا۔

ریلی کے دوران مظاہرین نے پولیس کے خلاف شدید نعرے بازی کی اور لوٹی گئی رقم کی واپسی کا مطالبہ کیا۔ شہری اتحاد کے رہنماؤں نے پولیس کی کارکردگی پر سوالات اٹھاتے ہوئے کہا کہ کئی دن گزر جانے کے باوجود بیوپاری کی لوٹی ہوئی رقم واپس نہیں کی گئی، جس سے شہریوں میں بے چینی اور غم و غصہ بڑھ رہا ہے۔

مظاہرین نے مطالبہ کیا کہ پولیس فوری طور پر تحقیقات مکمل کر کے لوٹی گئی رقم واپس دلوائے اور مجرموں کو کیفر کردار تک پہنچائے، بصورت دیگر احتجاج کا دائرہ مزید وسیع کیا جائے گا۔