گلگت بلتستان میں عام انتخابات کیلئے تاریخ کا اعلان کردیا گیا۔
چیف الیکشن کمشنر گلگت بلتستان راجہ شہباز خان کا کہنا ہے کہ گلگت بلتستان اسمبلی اور حکومت کی مدت 24 نومبر کو مکمل ہوگی۔ انہوں نے کہا کہ گلگت بلتستان اسمبلی کے عام انتخابات فروری 2026 میں ہونگے، اسمبلی انتخابات کرانا الیکشن کمیشن کی ذمہ داری ہے۔راجہ شہباز خان کا کہنا ہے کہ 9 لاکھ 91 سے زائد ووٹرز کی لسٹ بن گئی ہے، فروری 2026ء میں گلگت بلتستان اسمبلی کے انتخابات کیلئے آج سے تمام اسسٹنٹ کمشنرز کو ووٹر لسٹیں روانہ کردی گئی ہیں۔چیف الیکشن کمشنر گلگت بلتستان نے کہا کہ اسمبلی کے 25 انتخابی حلقوں میں ووٹر لسٹیں کل سے آویزاں ہوں گی۔
