گرفتاری کا خدشہ، خورشید شاہ کی دو بیگمات اور بیٹے کہاں پہنچ گئے

گرفتاری کا خدشہ، خورشید شاہ کی دو بیگمات اور بیٹے کہاں پہنچ گئے
باغی ٹی وی کی رپورٹ کے مطابق سندھ ہائیکورٹ میں پیپلز پارٹی کے رکن قومی اسمبلی خورشیدشاہ کی بیگمات، بیٹے ،داماد،صوبائی وزیر اویس شاہ کی درخواست ضمانت پر سماعت ہوئی ،عدالت نے نیب حکام کو انکوائری مکمل کرنے کیلئے 20 فروری تک مہلت دیدی۔عدالت نے خورشیدشاہ کی بیگمات، بیٹے ،داماد اوردیگر ملزمان کی عبوری ضمانت میں بھی توسیع دے دی۔

سندھ ہائیکورٹ میں خورشیدشاہ کیس کے ریفرنس میں نامزد اورزیرتفتیش ملزمان کی درخواستوں پر بھی سماعت ہوئی،عدالت نے عبوری ریفرنس میں نامزداورزیرتفتیش ملزمان کی درخواستیں علیحدہ کردیں،عبوری ریفرنس میں نامزد ملزمان کی درخواستیں سماعت کیلئے ہائیکورٹ سکھر بنچ بھجوادیں،

عدالت نے کہا کہ زیرتفتیش ملزمان کی درخواستوں پر سماعت کراچی میں ہوگی ،عدالت نے زیرتفتیش ملزمان کی درخواستو ں پر سماعت20 فروری تک ملتوی کردی

احتساب عدالت سکھر میں پی پی رہنما خورشید شاہ اثاثہ جات کیس کی سماعت ہوئی، خورشید شاہ کیس کی انکوائری کے لیے 5رکنی جے آئی ٹی تشکیل دے دی گئی،ڈی جی نیب ملتان عتیق الرحمان جے آئی ٹی کے سربراہ مقرر کئے گئے،ٹیم میں ایف بی آر سے عبد الحفیظ،ایس ای سی پی کے ڈپٹی رجسٹرار رضوان ہارون شامل ہیں،ڈپٹی ڈائریکٹر ایف آئی اے سجاد مصطفی ٰباجوہ جے آئی ٹی کاحصہ ہیں،جے آئی ٹی میں خورشید شاہ کیس کے ڈپٹی ڈائریکٹر نیب عبادالحسن کاشان کا نام بھی شامل ہے.

نیب نے خورشید شاہ کے خلاف احتساب عدالت میں ریفرنس دائر کر رکھا ہے، خورشیدشاہ کیخلاف ریفرنس میں مزید 17 افرادبھی نامزدہیں، خورشیدشاہ کی اہلیہ،دونوں بیٹےاورداماد بھی عدالت پیش ہوئے ہیں، اویس قادر شاہ،ایم پی اے فرخ شاہ ودیگراحتساب عدالت پیش ہوئے ہیں. سکھر:ملزمان پرایک ارب 23 کروڑ روپے کرپشن کاالزام ہے.

گرفتاری کے بعد بیماری سیاسی رہنماؤں کا معمول،خورشید شاہ بھی

خورشید شاہ کی گرفتاری، دونوں بیگمات نے بڑا قدم اٹھا لیا، عدالت پہنچ گئیں

واضح رہے کہ نیب سکھر نے پیپلز پارٹی کے رہنما خورشید شاہ کو گرفتار کر رکھا ہے وہ جوڈیشل ریمانڈ پر ہیں، خورشید شاہ کی طبیعت ٹھیک نہیں اس لئے انہیں ہسپتال منتقل کیا گیا ہے، وہ ہسپتال میں زیر علاج ہیں،گزشتہ سماعت پر خورشید شاہ کو ایمبولینس پر عدالت میں پیس کیا گیا تھا.