محکمہ انسداد دہشت گردی (سی ٹی ڈی) نے بڑی کارروائی کرتے ہوئے بھارتی خفیہ ایجنسی را سے تعلق رکھنے والے 3 دہشت گردوں کو گرفتار کر لیا ہے۔
باغی ٹی وی کے مطابق، ترجمان سی ٹی ڈی نے بتایا کہ انٹیلی جنس بنیاد پر کی گئی کارروائی کے دوران دہشت گردوں کو جھنگ روڈ پٹھان کالونی سے بھاری مقدار میں اسلحے سمیت گرفتار کیا گیا۔ترجمان کے مطابق، گرفتار دہشت گرد عید کے موقع پر لاہور، بہاول نگر، بہاول پور اور پاکپتن میں اہم مقامات کو نشانہ بنانے کا منصوبہ رکھتے تھے۔ یہ دہشت گرد فتنہ الخوارج اور بھارتی خفیہ ایجنسی را کے لیے کام کر رہے تھے۔
ترجمان نے بتایا کہ ملزمان سری نگر اور راجستھان میں را کے اہلکاروں سے کئی بار ملاقات کر چکے ہیں، اور ان کے قبضے سے دھماکا خیز مواد، ڈیٹونیٹر اور بھاری اسلحہ برآمد ہوا ہے۔ترجمان سی ٹی ڈی کے مطابق دہشت گرد اعظم کا تعلق منچن آباد، امجد کا پاکپتن اور منظور کا بہاولنگر سے ہے۔ دہشت گرد واٹس ایپ کے ذریعے بھارتی خفیہ ایجنسی را کو اہم مقامات کے نقشے بھیجتے تھے۔
ترجمان کے مطابق دہشت گردوں کے خلاف سی ٹی ڈی فیصل آباد میں مقدمہ درج کر کے مزید تفتیش کا آغاز کر دیا گیا ہے۔
چین کی جانب سے پاکستان کو J-35 طیارے، KJ-500 اواکس اور HQ-19 ڈیفنس سسٹم کی پیشکش
اسپیکر قومی اسمبلی اور چیئرمین سینیٹ کی تنخواہوں میں 600 فیصد سے زائد اضافہ
وزیراعظم اور محمد بن سلمان کی ملاقات، دو طرفہ تعلقات مزید مستحکم بنانے پر اتفاق
افغان سرزمین پر شدت پسندوں کی موجودگی علاقائی سلامتی کے لیے خطرہ ہے، کیتھی گینن