اسلام آباد: ملک کے مختلف حصوں میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ ہلکی بارش کا امکان ہے-
باغی ٹی وی : محکمہ موسمیات کے مطابق آج رات جنوبی و وسطی پنجاب کےعلاوہ خیبر پختونخوا، پوٹھوہار ، شمالی بلوچستان، اور کشمیر میں چند مقامات پر تیز ہواؤں اور گرج چمک کے ساتھ ہلکی بارش کا امکان ہے، فیصل آباد، لاہور،اوکاڑہ، گو جرانوالا ،بہاولنگر، نارووال، گجرات اور قصور، مری، گلیات اور گردو نواح میں مطلع جزوی ابر آلود رہنے کے علاوہ تیز ہواؤں اور گرج چمک کے ساتھ ہلکی بارش کی توقع ہے-
محکمہ موسمیات کے مطابق خیبرپختونخوا کے علاقے کوہستان، بالا کوٹ، مانسہرہ، ایبٹ آباد میں بھی تیز ہواؤں اور گرج چمک کے ساتھ ہلکی بارش کا امکان ہےاس کے علاوہ کشمیراور گلگت بلتستان میں مطلع جزوی ابر آلود رہنے کے علاوہ میں تیز ہواؤں اور گرج چمک کے ساتھ بارش کا امکان ہے۔
