ٹوبہ ٹیک سنگھ میں لڑکی کے قتل کی ہولناک واردات، بھائی نے گلا دبایا،رشتے دار ویڈیو بناتا رہا

گوجرخان،باغی ٹی وی (نامہ نگار)ٹوبہ ٹیک سنگھ میں لڑکی کے قتل کی ہولناک واردات، بھائی نے گلا دبایا،رشتے دار ویڈیو بناتا رہا

پولیس کے مطابق تھانہ صدر ٹوبہ کےعلاقے میں لڑکی کو بھائی نے گلا دبا کر قتل کر دیا اور ایک رشتے دار سکون سے قتل کی ویڈیو بناتا رہا۔منظرعام پرآنے والی ویڈیو میں باپ اور ایک عورت بھی موجود ہے جو سکون سے قتل کا منظر دیکھتے رہے، قتل کے بعد لڑکی کی خاموشی سے تدفین بھی کر دی گئی۔

پولیس نے ویڈیو وائرل ہونے پر ملزمان گرفتار کر لیے اور کہا کہ واقعہ 17 اور 18 مارچ کی درمیانی شب کا ہے، پولیس نے مقتولہ کی قبر کشائی کر کے لاش سے نمونے حاصل کر لیے ہیں۔

اس حوالے سے ڈی پی او کا کہناتھاکہ واقعہ 17 اور 18 مارچ کی درمیانی رات کا ہے، پولیس کو واقعہ 24 مارچ کو رپورٹ ہوا۔

انہوں نے بتایاکہ لاش کا پوسٹ مارٹم کل کروادیا گیا، دو اور بندوں کی گھرمیں موجودگی کے شواہد ملے ہیں، قتل ناجائز تعلقات کوچھپانے کیلئے کیاگیا اور ویڈیو لڑکی کو قتل کرنے کے بعد بنائی گئی۔