اوچ شریف ،باغی ٹی وی(نامہ نگارحبیب خان) موضع بن والا میں افسوسناک ٹریفک حادثہ، بے قابو پھٹہ رکشہ کی ٹکر سے 6 سالہ معصوم بچی شدید زخمی ہو گئی۔
تفصیلات کے مطابق والناس بی بی دختر محمد تسلیم سڑک عبور کر رہی تھی کہ اچانک ایک تیز رفتار پھٹہ رکشہ نے اسے ٹکر مار دی، جس کے نتیجے میں بچی کی دونوں ٹانگوں میں فیمَر فریکچر (Femur Fracture) ہو گیا۔
حادثے کے فوراً بعد مقامی افراد نے ریسکیو کو 1122 پر کال کی ،ریسکیورز نے بروقت رسپانس دیتے ہوئے ابتدائی طبی امداد فراہم کی اور بچی کو فوری طور پر رورل ہیلتھ سینٹر (RHC) اوچ شریف منتقل کر دیا، جہاں اس کا علاج جاری ہے۔
علاقہ مکینوں نے بڑھتے ہوئے ٹریفک حادثات پر تشویش کا اظہار کرتے ہوئے متعلقہ حکام سے مطالبہ کیا ہے کہ رکشوں کی تیز رفتاری اور غیر محتاط ڈرائیونگ پر سخت کارروائی کی جائے۔
