ٹھٹھہ،باغی ٹی وی (نامہ نگار بلاول سموں کی رپورٹ) مطابق محکمہ تعلیم سندھ کی کال پر محکمہ تعلیم ٹھٹھہ نے 9 مئی کو پرائمری کلسٹر اسکول کچی آبادی مکلی، گرلز پرائمری اسکول شاہ محمد مگسی میں پاک فوج کی حمایت میں ریلی نکالی۔
ڈی ای او ایجوکیشن ٹھٹھہ نظام کڈائی ڈپٹی ڈی اے ممتاز بجورو، ٹی ای او خاتون آپا رضیہ سلطانہ، عبدالجبار رودنانی بلوچ، مینا اکرم خاصخیلی کی قیادت میں ریلی ڈی ای او آفس سے شروع ہو کر عوامی پریس کلب ٹھٹھہ پہنچی جہاں ریلی میں طلباء، طالبات نے شرکت کی۔
بڑی تعداد میں لوگوں نے ہاتھوں میں بینرز اٹھائے اور 9 مئی کے شرپسندوں کے خلاف نعرے لگائے۔
اس موقع پر ڈی ای او نظام کھڈائی، ڈپٹی ڈی او ممتاز بجورو، ٹی ای او فیمیل آپا رضیہ سلطانہ، ہیڈ ماسٹر کلسٹر سکول کچی آبادی مکلی عبدالجبار رودنانی بلوچ اور دیگر نے خطاب کیا اور کہا کہ ملک میں کوئی بھی 9 مئی جیسے واقعات کو یاد نہیں رکھنا چاہتا۔
ڈی اے او نظام کھڈائی نے مزید کہا کہ پاک فوج کو بدنام کرنے کے لیے ملک کی کچھ جماعتیں ملک کو بدنام کر رہی ہیں۔
آج ضلع ٹھٹھہ میں محکمہ تعلیم کی جانب سے پاک فوج کی حمایت میں ریلیاں نکالی گئیں اور 9 مئی جیسی بزدلانہ کارروائیوں کی مذمت کی گئی۔جس میں شہباز جوکیو سمیت محکمہ تعلیم کے ملازمین نے شرکت کی
