بالاکوٹ : ناران میں گلیشیئر گرنے سے تباہی پھیل گئی، درجنوں ہوٹل برف تلے دب گئے۔
باغی ٹی وی : تفصیلات کےمطابق ڈائریکٹر جنرل کاغان ڈویلپمنٹ اتھارٹی محمد شبیر خان کے مطابق ناران جھیل روڈ پر گلیشئیر کے نیچے کئی ہوٹل دبنے کے بعد ریسکیو ٹیمیں پہنچ گئی ہیں ناران میں درجنوں ہوٹل تباہ ہونے کی اطلاعات ہیں۔
ڈائریکٹر جنرل کے ڈی اے شبیر خان کا کہنا ہے کہ شاہراہ ناران اور کاغان کےراستے برفباری کے باعث بند ہیں، متاثرہ علاقے میں امدادی کارروائیاں شروع کر دی گئیں ہنگامی اجلاس کل طلب کر لیا گیا ،نقصانات کا جائزہ لینے کے لیے کمیٹی تشکیل دے دی ہے متاثرین کے ساتھ ہر ممکن تعاون کریں گے ناران روڈ بحال ہونے تک پھنسے ہوئے لوگوں کو نکالنے کیلئے اقدامات کاآغاز کر دیا ناران تک مختلف مقامات پر گلیشیئر آنے کے باعث شاہراہ کاغان مکمل بند ہے-
