گلوبل صمود فلوٹیلا پر حملہ،کولمبیا بازی لے گیا،اسرائیلی سفارتکارملک بدر

کولمبیا نے گلوبل صمود فلوٹیلا پر اسرائیلی حملے کے بعد اپنے ملک میں موجود اسرائیلی سفارتکاروں کو ملک بدر کردیا۔

غیر ملکی میڈیا کے مطابق اسرائیل سے سفارتی تعلقات ختم کیے جانے کے بعد اب کولمبیا کے صدر نے گزشتہ روز غزہ جانے والے گلوبل صمود فلوٹیلا پر اسرائیلی حملے کے بعد اسرائیل کے باقی ماندہ سفارتکاروں کو بھی ملک بدر کردیا۔،رپورٹ کے مطابق ایک بیان میں کولمبیا کے صدر گوستاوو پیٹرو نے کہا کہ اسرائیل کے تمام سفارتکار کولمبیا سے چلے گئے ہیں،میں نے اسرائیل کے ساتھ آزادانہ تجارتی معاہدہ بھی فوری طور پر ختم کرنے کا فیصلہ کیا ہے۔

واضح رہے کہ سال 2024 میں کولمبیا نے اسرائیلی فوج کی جانب سے غزہ میں جاری قتل عام پر اسرائیل سے اپنے تعلقات منقطع کردیے تھے تاہم 4 اسرائیلی سفارتی اہلکار اب تک کولمبیا میں موجود تھے جنہیں اب ملک سے نکال دیا گیا ہے۔