پاکستان تحریک انصاف میں رہنماوں کی ایک دوسرے پر الزام تراشی کا سلسلہ رک نہ سکا ، چیئرمین بیرسٹر گوہر اور جنرل سیکرٹری سلمان اکرم راجا کے درمیان سخت جملوں کا تبادلہ ہوا ہے۔
میڈیا رپورٹس کے مطابق گزشتہ روزپی ٹی آئی قیادت بانی پی ٹی آئی کی بہن علیمہ خان کو مبینہ طور پر حراست میں لیے جانے کے بعد خیبرپختونخوا ہاؤس پہنچی تھی جہاں پر چیئرمین گوہراور جنرل سیکرٹری سلمان اکرم راجا کے درمیان سخت جملوں کا تبادلہ دیکھنے میں آیا۔ا سحوالے سے ذرائع نے بتایاکہ اس موقع پر مرکزی قیادت کے درمیان صلح کیلئے پارٹی رہنما کردار ادا کرتے رہے۔
پی ٹی آئی کےذرائع کے مطابق بیرسٹر گوہر اور علی ظفر کے نام ملاقات کے لیے دی گئی فہرست میں شامل نہ تھے، تحریک انصاف کے اراکین نے بیرسٹر گوہر اور علی ظفر کی ملاقات پر اعتراض اٹھائے، عاطف خان، شبلی فراز اور عمر ایوب نے بھی ملاقاتوں پر تشویش کا اظہار کیا۔ بیرسٹر گوہر نے رہنماوں کو بانی سے ملاقات کیلئے اڈیالہ جیل جانے کے پیچھے کسی مقصد کا نہ ہونے بتایا جبکہ سلمان اکرم راجا بانی پی ٹی آئی کی ملاقاتوں کیلئے احکامات پر عمل درآمد پر زور دیا۔ سخت جملوں کے تبادلوں پر بیرسٹر گوہر اور سلمان اکرم راجہ نے میڈیا کو اپنا مؤقف دینے سے گریز کیا۔
واضح رہے کہ گزشتہ روز بانی پی ٹی آئی عمران خان سے جیل میں ملاقات کیلئے 6 وکلا رہنماؤں کو اجازت ملی تھی جن میں چیئرمین پی ٹی آئی بیرسٹر گوہر، بیرسٹر علی ظفر، مبشر مقصود اعوان، ظہیر عباس چوہدری، علی عمران اور خاتون رہنما رضیہ سلطانہ شامل تھیں۔جبکہ پاکستان تحریک ان صاف کے پارٹی ارکان نے بیرسٹر گوہر اور بیرسٹر علی ظفر کی ملاقات پر تشویش کا اظہار کیا تھا۔
امریکا کا چین پر 125 فیصد اور باقی ممالک پر ٹیرف میں وقفےکا اعلان
چین کے بعد یورپی یونین نے بھی امریکی مصنوعات پر ٹیرف لگا دیا
خیبرپختونخوا ،ملزمان انٹرویو اور پولیس کے سوشل میڈیا استعمال پر پابندی
