گوجر خان: سوئی گیس دھماکے کا زخمی اور ٹرین حادثے میں نوجوان جاں بحق
گوجر خان (باغی ٹی وی،نامہ نگار شیخ ساجد قیوم) بدھ کی صبح راولپنڈی سے لاہور جانے والی تیز رفتار ایکسپریس ٹرین کی زد میں آ کر 18 سالہ نوجوان تجمل حسین ولد نذر حسین، جو وارڈ نمبر 15 کا رہائشی تھا، موقع پر جاں بحق ہو گیا۔ اس حادثے نے علاقے میں غم کی لہر دوڑا دی۔
دوسری جانب منگل کی صبح کوٹ سیداں گوجر خان میں سوئی گیس دھماکے کے نتیجے میں زخمی ہونے والا سید پرویز شاہ زخموں کی تاب نہ لاتے ہوئے جاں بحق ہو گیا۔ یہ واقعہ بھی علاقے میں خوف اور افسوس کا باعث بن گیا۔
