گوجرہ، باغی ٹی وی (نامہ نگار عبد الرحمن جٹ)پاکستان تحریک انصاف کے رکن قومی اسمبلی اسامہ حمزہ کے چچا باؤ راشد کی جھنگ روڈ پر قائم کاٹن فیکٹری اور کولڈ اسٹوریج میں آگ لگنے سے کروڑوں روپے کا سامان جل کر خاکستر ہو گیا۔
آگ ویلڈنگ کے دوران شارٹ سرکٹ کے باعث لگی، جس نے کولڈ اسٹوریج کی لکڑی کو اپنی لپیٹ میں لے لیا۔ اطلاع پر ریسکیو 1122 اور ضلع بھر کی فائربریگیڈ ٹیمیں موقع پر پہنچیں۔ تین گھنٹے کی مسلسل جدوجہد کے بعد آگ پر قابو پایا گیا۔
آتشزدگی کے نتیجے میں کولڈ اسٹوریج کی عمارت کو شدید نقصان پہنچا اور شہر میں دھوئیں کے بادل چھا گئے۔
