گوجرہ باغی ٹی وی( نامہ نگار عبدالرحمن جٹ )زرعی ملک میں آٹے کا بحران لمحہ فکریہ ہے – رانا سعید راشد منج
تفصیل کے مطابق عوامی جسٹس پارٹی پاکستان کے مرکزی سینئر نائب صدر رانا محمد سعید راشد منج نے کہا کہ زرعی ملک میں آٹے کا بحران لمحہ فکریہ ہے۔آئے روز کسی نہ کسی چیز کا بحران جنم لے رہا ہے۔حکمرانوں کی ناقص پالیسوں کا خمیازہ عوام بھگت رہی ہے۔ریاست اپنی ذمہ داری نبھانے میں مکمل نا کام عوام مسائل کی چکی میں پس کر رہ گئی ذمہ داران کی کارکردگی پر سوالیہ نشان ہے۔وفاقی و صوبائی حکومتوں سے مطالبہ کرتے ہیں کہ آٹے کی فراہمی کو ہر ممکن یقینی بناتے ہوئے ترجیہی بنیادوں پر ریلیف فراہم کیا جائے۔لمبی قطاروں میں بزرگ،خواتین،مرد،بچے انتظار کے بعد کھلی ہاتھ لوٹ کر جانے پر مجبورسستے آٹے کے نام پر تذلیل باعث افسو س ہے۔ غریب، مزدور،دیہاڑی دار طبقہ محنت مزدوری کرے یا آٹا لینے کیلئے لائنوں میں سارا سارا دن کھڑے ہوں۔مہنگائی نے جینا محال کر دیا اوپر سے بنیادی سہولتیں بھی عوام کی پہنچ سے دور ہوتی جا رہی ہیں۔سیاستدان قوم کے حال پر رحم کھائیں۔ اقتدار کی رسہ کشی،سیاسی نورا کشتی میں عوامی مسائل نظر اندازغریب کے منہ سے نوالہ بھی چھینا جا رہا ہے۔ملکی سیاست میں اپوزیش نام کا کوئی وجود نہیں ہر دور میں اقتدار میں رہنے والی پارٹیاں آج بھی کسی نہ کسی جگہ اقتدار کے مزے لوٹ رہی ہیں۔عوامی جسٹس پارٹی پاکستان ملک میں بڑھتی ہوئی مہنگائی،سابقہ اور موجودہ حکمرانوں کی ناقص پالیسوں کے خلاف احتجاج کرے گی۔
Shares:
