گوجرہ میں یوم آزادی کاجشن جوش و خروش سےمنیایاگیا
![](https://baaghitv.com/wp-content/uploads/2024/08/gojra-jpg.webp)
گوجرہ (باغی ٹی وی نامہ نگار عبدالرحمن جث): گوجرہ میں یوم آزادی کو جوش و خروش سے منایا گیا۔ مختلف مقامات پر ملی جذبے سے لبریز تقاریب کا انعقاد کیا گیا۔
میونسپل کمیٹی گوجرہ میں منعقدہ ایک بڑی تقریب میں سابق ممبر قومی اسمبلی چوہدری خالد جاوید وڑائچ مہمان خصوصی تھے جبکہ اسسٹنٹ کمشنر نعمان علی ڈوگر نے صدارت کی۔ تقریب میں ڈی ایس پی گوجرہ، چیف آفیسر، سینئر صحافی، سیاسی و سماجی شخصیات اور تاجر برادری کے نمائندے بھی شامل تھے۔
تقریب میں قومی پرچم کشائی کی گئی اور پولیس کے چاک و چوبند دستے نے سلامی پیش کی۔ آزادی کیک کاٹا گیا اور مقررین نے خطاب کرتے ہوئے کہا کہ ہم اپنے شہداء کی قربانیوں کو کبھی نہیں بھول سکتے۔ ہمیں اس آزادی کی نعمت کی قدر کرنی چاہیے اور اس وطن کے دفاع کو مضبوط بنانا ہے۔