گوجرہ (سٹی رپورٹر/محمد اجمل) جمعیت اہل حدیث ضلع ٹوبہ ٹیک سنگھ کے ماہانہ اجلاس میں سیلاب زدگان کی ریلیف سرگرمیوں کو تیز اور مزید بہتر بنانے پر زور دیا گیا۔ اجلاس چک 425 واہلہ میں منعقد ہوا جس کی صدارت رابطہ سیکرٹری جمعیت اہل حدیث پاکستان مولانا شفیق الرحمن ربانی نے کی۔ اجلاس میں امیر ضلع یحییٰ محمدی اور ناظم ذوالقرنین حیدر کی نگرانی میں ضلع بھر کے ذمہ داران نے شرکت کی اور ماہانہ رپورٹس پیش کیں۔
مولانا شفیق الرحمن تابانی نے خطاب میں کہا کہ سیلاب متاثرین کی مدد کے لیے اب تک کیے گئے اقدامات قابلِ تحسین ہیں، تاہم مزید منظم اور تیز تر انداز میں ریلیف سرگرمیوں کو آگے بڑھانا وقت کی ضرورت ہے۔ اجلاس میں فیصلہ کیا گیا کہ سیلاب زدگان کے لیے میڈیکل کیمپ لگائے جائیں گے اور امدادی کاموں کا دائرہ کار وسیع کیا جائے گا۔
اجلاس میں افتخار احمد ظہیر، ماسٹر عمر حیات، شاہد اقبال تبسم، حمزہ سعید، چوہدری اللہ دتہ جٹ، چوہدری شہباز گادھی، فاروق طیب، میاں محمد سلیم، حافظ عثمان افضل، عبداللہ قیصر، قاری ظفر اقبال، قاری واثق محمود اور دیگر رہنماؤں نے شرکت کی۔ گوجرہ کے چیف آرگنائزر فاروق طیب کی قیادت میں ایم اکرم سعید، ڈاکٹر محمد مرتضیٰ اور مولانا عبدالحنان بھی شریک ہوئے۔
شرکائے اجلاس نے علامہ ہشام الہیٰ ظہیر کی قیادت پر بھرپور اعتماد کا اظہار کیا اور عہد کیا کہ جمعیت اہل حدیث کے نظم کے ساتھ مل کر گوجرہ کو تنظیمی طور پر مزید فعال اور منظم بنایا جائے گا۔ اجلاس کی میزبانی چوہدری سیف اللہ کاہلوں اور چوہدری نوید افتاب کاہلوں نے کی۔
