گوجرہ (باغی ٹی وی سٹی رپورٹر محمد اجمل) قاری حافظ محمد ریاض نے عربی زبان و ادب میں "پی ایچ ڈی غیر منقوط نعت رسول مقبول ﷺ” کا مرحلہ مکمل کر لیا، جس کی خوشی میں محمد رمضان گجر نے پُرتکلف دعوت کا اہتمام کیا۔
تقریب میں پنجاب ٹیچر یونین کے اساتذہ سمیت محمد اقبال گورایہ، ظہیر اکبر، چوہدری محمد الیاس، محمد ارشاد، ظہور احمد کنوینئر ای ایس ٹی عریبک ٹیچرز ایسوسی ایشن ٹوبہ ٹیک سنگھ، پیش امام مولوی محمد بشیر، ملک آصف اور میڈیا نمائندگان ڈاکٹر محمد اجمل و عبدالرحمن جٹ نے خصوصی شرکت کی۔
شرکاء نے قاری حافظ محمد ریاض کو پھولوں کے ہار پہنائے، گلدستے پیش کیے اور نیک تمناؤں کا اظہار کیا۔ مقررین نے کہا کہ قاری صاحب کی یہ کامیابی علاقہ چک نمبر 297 ج ب گوجرہ کے لیے باعثِ فخر ہے۔ تقریب کے آخر میں ملک و قوم کی سلامتی و خوشحالی کے لیے دعا بھی کی گئی۔
