گوجرہ ،باغی ٹی وی(نامہ نگارعبدالرحمن جٹ) شہر میں دو مختلف واقعات میں دو نوجوانوں نے گھریلو جھگڑوں کے بعد خودکشی کی کوشش کی۔
پہلا واقعہ تھانہ سٹی گوجرہ کے علاقے محلہ شریف گارڈن میں پیش آیا، جہاں بیروزگار نعمان طارق ولد محمد طارق نے والد سے خرچے کے لیے رقم مانگی، انکار پر جھگڑے کے بعد زہریلی گولیاں کھا لیں۔ اسے فوری طور پر گورنمنٹ آئی کام جنرل ہسپتال گوجرہ منتقل کیا گیا۔
دوسرا واقعہ تھانہ صدر کے نواحی گاؤں چک نمبر 281 ج ب میں پیش آیا، جہاں محسن رضا ولد محمد ریاض کا اپنے بھائی علی رضا سے پیسوں کے لین دین پر جھگڑا ہوا، جس کے بعد اس نے زہریلی گولیاں کھا لیں۔ اسے گوجرہ ہسپتال منتقل کیا گیا، جہاں ابتدائی طبی امداد کے بعد الائیڈ ہسپتال فیصل آباد ریفر کر دیا گیا۔
پولیس نے دونوں واقعات کی تحقیقات شروع کر دی ہیں۔
