آج ملکی صرافہ مارکیٹوں میں سونے کی قیمتوں میں استحکام رہا۔
سونے کی فی تولہ قیمت 3لاکھ88ہزار600 روپےپربرقرار رہی جبکہ 10گرام سونا بھی 3لاکھ33ہزار161 روپےپربرقرار رہاسرمایہ کار مالیاتی منڈیوں میں پیدا ہونے والے خطرات کے پیشِ نظر اپنے سرمائے کے تحفظ کے لیے تیزی سے سونے کی جانب متوجہ ہو رہے ہیں۔
گزشتہ ایک سال کے دوران سونے کی قیمت میں تقریباً ایک تہائی اضافہ ریکارڈ کیا گیا ہے بین الاقوامی بلین مارکیٹ میں فی اونس سونے کی قیمت ساڑھے تین ہزار ڈالر کے قریب پہنچ چکی ہےعالمی شہرت یافتہ مالیاتی ادارے گولڈ مین سیچز نے اپنی تازہ رپورٹ میں پیشگوئی کی ہے کہ اگر حالات اسی طرح غیر یقینی رہے تو سونے کی قیمت چار ہزار ڈالر فی اونس سے بھی تجاوز کر سکتی ہے۔
اسپین نے غزہ میں اسرائیلی جرائم کی تحقیقات کی منظوری دے دی
تجزیہ کاروں کے مطابق، جاری عالمی تنازعات، معاشی بحران اور بڑھتے ہوئے خطرات نے سرمایہ کاروں کو روایتی اثاثوں سے ہٹ کر محفوظ سرمایہ کاری کے ذرائع تلاش کرنے پر مجبور کر دیا ہے ان حالات میں سونا سب سے محفوظ پناہ گاہ تصور کیا جا رہا ہےایک مالیاتی ماہر نے کہا کہ مارکیٹس کے لیے سب سے بڑا خطرہ غیر یقینی ہوتی ہے، اور جب حالات قابو سے باہر ہوں تو سرمایہ کاروں کی پہلی ترجیح سونا ہی بن جاتا ہے۔
پاکستان میں مشرق ڈیجیٹل بینک کا باضابطہ آغاز کر دیا گیا
