کراچی: ملک بھر میں سونے کی قیمت کم ہو گئی۔
باغی ٹی وی:آل پاکستان جیمز اینڈ جیولرز ایسوسی ایشن کے مطابق ملک میں سونے کی فی تولہ قیمت میں 2100 روپے کی کمی ریکارڈ کی گئی ہے جس کے بعد فی تولہ سونا 2 لاکھ 11 ہزار روپے کا ہوگیا ہے،10 گرام سونے کی قیمت میں بھی 1800 روپے کی کمی ہوئی ہے جس کے بعد 10 گرام سونا مارکیٹ میں ایک لاکھ 80 ہزار 898 روپے کا ہو گیا ہے،دوسری جانب عالمی مارکیٹ میں سونے کی قیمت میں 17 ڈالر کی کمی کے بعد فی اونس سونا1958 ڈالر ہو گیا ہے۔
اسرائیلی فوجیوں کی جانب سے غزہ میں ہسپتالوں پر بمباری،بلاول خاموش نہ رہ سکے
علاوہ ازیں ملک میں لوہے کی مصنوعات کی قیمتوں میں اضافہ تیزی سے جاری ہے، لوکل سریے کی قیمت میں مزید 5 ہزار روپے فی ٹن کا اضافہ ہوگیا ،لوکل سریا 2 لاکھ 55 ہزار روپے فی ٹن تک پہنچ گیا، برانڈڈ سریے کی قیمت بھی 2 لاکھ 70 ہزار روپے فی ٹن تک جاپہنچی۔
مارکیٹ ذرائع کا کہنا ہے کہ ملکی ضرورت کے مطابق لوہے کا خام مال آنے سے ہی قیمتیں کم ہوں گی سکریپ کی درآمد میں کمی ایل سی نہ کھلنے کی وجہ سے خام مال نہیں آرہا۔
