نگران وزیر اعلی پنجاب نے گڈز ٹرانسپورٹ کو کرائے کم کرنے کی ڈیڈ لائن دے دی

وزیراعلیٰ پنجاب محسن نقوی نے عام آدمی کو ریلیف دینے کےلئے ایک اور حکمت عملی پیش کردی،وزیراعلیٰ پنجاب نے انٹرسٹی ٹرانسپورٹ کےکرایوں میں کمی کا حکم دے دیا ،وزیراعلیٰ نے تمام ڈپٹی کمشنرز کو آج رات تک کرایوں میں کمی کی ڈیڈ لائن دیدی ،اب پیٹرول اور ڈیزل کی قیمت میں بڑی کمی کیساتھ انٹرسٹی ٹرانسپورٹ کے کرائے بھی کم ہو نگے۔ سید محسن نقوی نے کہا کہ پٹرولیم مصنوعات کی قیمتوں میں کمی کا فائدہ عوام کو منتقل کیا جائے،عام آدمی کوریلیف دینے کیلئے انٹرسٹی ٹرانسپورٹ کےکرائے کم کرائے جائے۔ وزیراعلی پنجاب نے آج رات تک کرائے کم نہ کرنیوالے ٹرانسپورٹرز کیخلاف بلاامتیاز کارروائی کا حکم دےدیا۔