fbpx

گوگل کی ویڈیو کانفرنسنگ سروس میں صارفین کے لئے اہم ترین اپ ڈیٹس

حال ہی میں دنیا کے سب سے بڑے سرچ انجن گوگل نے اپنی ویڈیو کانفرنسنگ سروس میٹ میں لامحدود وقت تک مفت کالز کی مدت 30 جون تک بڑھانے کا اعلان کیا تھا اب گوگل کی جانب سے اس ویڈیو کانفرنسنگ سروس میں اہم ترین اپ ڈیٹ کرنے کا اعلان کیا گیا ہے۔

باغی ٹی وی :ٹیک کمپنی کا ادارہ گوگل اپنی ویڈیو فراہم کرنے والی ایپ گوگل میٹ کو بہتر بنانے اور حال ہی میں مشہور ایپ زوم کے خلاف مقابلہ کرنے کے لئے نئی خصوصیات متعارف کروا رہا ہے۔

اس اپ ڈیٹ کے تحت گوگل میٹ کے ڈیسک ٹاپ صارفین کے لیے یوزر انٹرفیس کو بدلا گیا ہے جبکہ نئے فیچرز کا اضافہ بھی کیا گیا ہے زوم اور مائیکرو سافٹ ٹیمز کے مقابلے میں گوگل میٹ کو زیادہ بہتر بنانے کے لیے یہ اپ ڈیٹس کی گئی ہیں۔

فوٹو بشکریہ گوگل
پچھلے ہفتے کمپنی نے گوگل میٹ میں کچھ نئی خصوصیات پیش کیں اور اب اس نے ایک بار پھر ایپ میں ایک کارآمد خصوصیت شامل کردی ہے۔گوگل نے اینڈروئیڈ اور آئی او ایس دونوں پر اپنی میٹ ایپ پر ڈیفالٹ لو لائٹ ، موڈ متعارف کرانے کا فیصلہ کیا ہے۔ کم روشنی والی خصوصیت پہلے ہی گوگل ڈو میں دستیاب ہے۔

فوٹو بشکریہ گوگل
اس فیچر سے ویب کیم ویڈیو تاریک یا روشن کمرے میں خودکار طور پر روشنی کو ایڈجسٹ کرسکے گا، یہ فیچر بھی آنے والے ہفتوں میں گوگل میٹ کے ویب صارفین کو دستیاب ہوگا۔

گوگل ورک پلیس کے پیڈ صارفین کو ایک نئے آٹو زوم فیچر تک بھی رسائی جلد دی جائے گی یہ اے آئی پاور فیچر کمرے میں چلنے پھرنے کے دوران صارف کی پوزیشن کو فالو کرے گا۔

اگر کوئی صارف اسکرین پر خود کو نہیں دیکھنا چاہتا تو اب میٹ میں صارف کی اپنی ویڈیو فیڈ کو ہائیڈ یا منیمائز کیا جاسکتا ہے اور اگر اپنی آنکھوں کو دیکھنا چاہتے ہیں تو گرڈ میں اپنی فیڈ کو پن کرسکتے ہیں۔

فوٹو بشکریہ گوگل
گوگل کے مطابق بہت جلد صارفین کو میٹ کالز کے دوران سیلف فیڈ ٹرن آف کرنے کا آپشن بھی فراہم کیا جائے گا۔

اسی طرح ایک اور فیچر ملٹی پل فیڈز لائٹ کرنا ہے جس میں کانفرنس میں شامل متعدد افراد کی تصاویر کو پن کیا جاسکتا ہے، یہ فیچر آئندہ چند ماہ میں صارفین کو دستیاب ہوگا۔

ایک اور نیا فیچر ویڈیو بیک گراؤنڈ بدلنے کا ہے، اس وقت گوگل میٹ میں 3 اسکرینز کا آپشن ہے جن میں ایک کلاس روم، ایک پارٹی اور ایک فارسٹ ہے-

فوٹو بشکریہ گوگل
کمپنی کے مطابق مزید اسکرینز کا اضافہ آنے والے مہینوں میں کیا جائے گا۔

ایک کارآمد تبدیلی میٹنگز کے نیچے موجود بار میں تمام کنٹرولز کو دینا ہے، یعنی چیٹ، اٹیچمنٹس اور کانفرنس میں شریک افراد کی فہرست، سب آپشن وہاں موجود ہوں گے۔

گوگل کی جانب سے کال ختم کرنے کا بٹن کیمرا اور مائیکرو فون بٹنز سے دور کیا جارہا ہے تاکہ حادثاتی طور پر کال منقطع نہ ہوسکے۔

واضح رہے کہ گوگل نے اپریل 2020 میں اپنی ویڈیو کانفرنسنگ سروس میٹ کو تمام صارفین کے لیے مفت کردیا تھا جس کا مقصد کورونا وائرس کی وبا کے دوران باہمی رابطوں میں لوگوں کو سہولت فراہم کرنا تھا۔

یہ کانفرنسنگ سروس پہلے صرف جی سیوٹ کے صارفین کے لیے مخصوص اور 6 ڈالر ماہانہ پر ہی دستیاب تھی تاہم اس وبا کی وجہ سے گوگل نے اعلان کیا تھا کہ اس میں مفت ویڈیو کال کا دورانیہ 60 منٹ تک ہوگا مگر اس کا اطلاق 30 ستمبر کے بعد سے ہونا تھا۔

مگر پھر ستمبر میں اس مدت کو 31 مارچ 2021 تک بڑھا دیا گیا تھا جبکہ ایک گھنٹے کی حد بھی اس موقع پر ختم کردی گئی تھی۔

بعد ازاں رواں ماہ کمپنی نے پھر اعلان کیا تھا کہ صارفین گوگل میٹ کو 30 جون تک مفت استعمال کرسکیں گے اور اس عرصے میں 24 گھنٹے تک کال جاری رکھ سکیں گے صارفین گوگل میٹ میں 100 افراد کو ویڈیو کانفرنس کا حصہ بناسکتے ہیں جبکہ اس سے زیادہ لوگوں کو شامل کرنے کے لیے گوگل ورک اسپیس سبسکرپشن خریدنا ہوگ، جس کے بعد ڈھائی سو افراد کو کانفرنس کا حصہ بنایا جاسکے گا۔

گوگل نے ویڈیو کانفرنسنگ سروس میٹ میں مفت کالز کی مدت میں اضافہ کر دیا

جواب چھوڑیں

آپ کا ای میل ایڈریس شائع نہیں کیا جائے گا.