نیشنل انفارمیشن ٹیکنالوجی (این آئی ٹی بی) نےگوگل پلے اسٹور پر موجود جعلی اپیلیکیشن کی نشاندہی کرتے ہوئے اینڈرائیڈ صارفین کو خطرے سے آگاہ کردیا۔
باغی ٹی وی : نیشنل انفارمیشن ٹیکنالوجی بورڈ نے سماجی رابطے اور مائیکرو بلاگنگ ویب سائٹ ٹویٹر پر گوگل پلے اسٹور پر موجود جعلی اپیلیکیشن کی نشاندہی کی-
Stay updated with @NationalITBoard Malware alerts”
Do not download the Netflix app name Flixonline, it transfers a harmful file to your device. Never use any untrusted APP or APK. Stay alert & stay safe!#SecurityBreach #CyberAttack pic.twitter.com/iDfSshEFag— National Information Technology Board (NITB) (@NationalITBoard) April 13, 2021
این آئی ٹی بی نے پاکستان میں اینڈرائیڈ فون استعمال کرنے والوں کو آگاہ کیا کہ گوگل پلے اسٹور پر نیٹ فلکس کی جعلی ایپ ’فکس ان لائن‘ کے نام سے موجود ہے جو صارف کے لیے بڑے خطرے کا باعث بن سکتی ہے۔
بورڈ نے جعلی ایپ کے ذریعے نقصان دہ سافٹ وئیر کے خطرے سے خبردار کرتے ہوئے صارفین کو ہدایت کی کہ ’اس جعلی ایپ کو ڈاؤن لوڈ کرنے سے گریز کیا جائے کیونکہ اسے انسٹال کرنے کی صورت میں ٹیلی فون میں ایک نقصان دہ (وائرس) کی فائل سسٹم میں شامل ہوجاتی ہے۔
بورڈ نے کہا کہ وہ کوئی بے اعتماد ایپ یا اے پی کے استعمال گرنے سے نہ صرف گریز کریں بلکہ اس سے ہوشیار بھی رہیں کیونکہ یہ نقصان دہ ہوسکتی ہے۔
نیشنل انفارمیشن ٹیکنالوجی بورڈ کی جانب سے ٹوئٹ میں نیشنل بریچ اورسائبر اٹیک کا ہیش ٹیگ بھی استعمال کیا گیا ہے۔
ٹوئٹ میں شئیر کئے گئے پوسٹر میں بورڈ نے بتایا کہ اس ایپ میں شامل سافٹ ویئر خود کار طریقے سے واٹس ایپ پر آنے والے پیغامات کا جواب دیتا ہے اور دیگر لوگوں کو بھی وائرس زدہ فائل سینڈ کرتا ہے۔ صارفین کو ہدایت کی گئی کہ اگر وہ اس ایپ کو استعمال کررہے تھے تو فوری طور پر فون سے ڈیلیٹ کردیں۔
