ڈیرہ غازیخان،باغی ٹی وی (نامہ نگارشہزادخان) غازی یونیورسٹی ڈیر غازیخان کے مستحق طلبہ کیلئے گورمانی فاونڈیشن لاہور نے تعلیمی وظائف کا اعلان کیا ہے . اس سلسلے میںفاونڈیشن اورغازی یونیورسٹی کے مابین معاہدہ طے پا گیا ہے جس کے تحت پہلے فیز میں یونیورسٹی کے متفرق شعبہ جات کے 15 طلباء و طالبات کو تعلیمی وظائف دیئے جائیں گے۔ معاہدہ کے کاغذات پریونیورسٹی کی طرف سے رجسٹرار ڈاکٹر اللہ بخش گلشن اور ڈائریکٹر مالی وظائف ڈاکٹر محمد راشد جبکہ گورمانی فاونڈیشن کی جانب سے کیریئر کونسلنگ آفیسرمنصور احمد نے دستخط کیے۔ وائس چانسلر پروفیسر ڈاکٹر محمد کامران نے گورمانی فاونڈیشن کی طرف سے وظائف کے اعلان کو خوش آئیند قرار دیتے ہوئے کہا ہے کہ ایسے اقدامات سے مستحق طلباء و طالبات اپنی تعلیم کو بآسانی جاری رکھ سکیں گے.
Leave a reply
