گورنر پنجاب کا یورپی پارلیمنٹ کے نائب صدر سے رابطہ، کیا بات چیت ہوئی؟ بھارت پریشان
باغی ٹی وی کی رپورٹ کے مطابق گورنر پنجاب چوہدری محمد سرور اور یورپی پارلیمنٹ کے نائب صدر کے در میان رابطہ ہوا ہے، ٹیلی فونک رابطے میں یورپی پارلیمنٹ میں بھارت کے خلاف قراراداد ‘مسئلہ کشمیر سمیت دیگر امور پر بات چیت کی گئی،
یورپی پارلیمنٹ کے نائب صدر فابیو ماسیمو کاستالدو کا کہنا تھا کہ بھارت اور کشمیر میں انسانی حقوق کی خلاف ورزیوں پر خاموش نہیں رہیں گے۔ دہشت گردی کے خاتمے اور امن کے قیام کیلئے پاکستان کی کوشش قابل تعریف ہے۔
گورنر پنجاب نے کہا کہ بھارتی مسلمانوں اور کشمیریوں کیساتھ کھڑے ہونے پر آپ کے شکر گزار ہیں۔ بھارت کیخلاف قراراداد پر 154 یورپی اراکین کے دستخط خوش آئند ہے۔ قرارداد کی منظوری کیلئے میں خود بھی یورپی اراکین پارلیمنٹ سے رابطے میں ہوں۔ دی اکانومسٹ نے بھارت کے اصل چہرے کو دنیا کے سامنے ننگا کر دیا ہے۔
گورنر پنجاب چوہدری محمد سرور کا مزید کہنا تھا کہ جمہوریت کا دعویدار بھارت دہشت گردی اور انتہاء پسند بن ملک بن چکا ہے۔ ہر پاکستانی خون کے آخری قطرے تک کشمیر یوں کیساتھ ہے۔ بھارت کا متنازعہ شہر یت قانون انسانیت اور انسانی حقوق کا قتل عام ہے۔
