سرگودھا : رات کے وقت کروڑوں روپے مالیتی’9’ایکڑ سرکاریزمین پر قبضہ

سرگودھ،باغی ٹی وی( نامہ نگار ملک شاہنواز جالپ) رات کے وقت کروڑوں روپے مالیتی’9’ایکڑ سرکاریزمین پر قبضہ ،سرگودھا کے چک نمبر71شمالی میں گورنمنٹ پولٹری فارم سے ملحقہ فاطمہ جناح کالونی کے قریب واقع کروڑوں روپے کی9ایکڑ سرکاری اراضی پرقبضہ مافیا کی جانب سے راتوں رات قبضہ کرکے پختہ تعمیرات قائم کرنے کا انکشاف ہواہے،

ضلعی انتظامیہ کے علم میں ہونے کے باوجود لگ بھگ16کروڑ روپے مالیت کا یہ رقبہ واگذار کروانے میں لیت و لعل سے کام لے رہی ہے ذرائع کے مطابق قبضہ مافیا میں شامل افراد کا تعلق قریبی آبادی سے ہے جنہوں نے محکمہ مال کی مبینہ ملی بھگت سے راتوں رات پلاٹوں کی کٹنگ کی اورتیزی سے پختہ تعمیرات بھی شروع کر رکھی ہیں ،

باعث تشویش امر یہ ہے کہ اہل علاقہ اسسٹنٹ کمشنر سرگودھا اور محکمہ مال کے دیگر افسران کو متذکرہ سرکاری رقبہ پر ناجائز قبضہ کی نشاندہی کر چکے ہیں ، جس پر اسسٹنٹ کمشنر نے مورخہ 16ستمبر2023کو فیلڈ عملے اورپولیس کے ہمراہ موقع کا ملاحظہ کیا اور ناجائز قابضین کو روکنے کےلئے لاﺅڈ سپیکر پر اعلانات کروائے گئے کہ اگر سرکاری رقبضہ سے تعمیراتی میٹریل نہ اٹھوایا گیا تو ہر چیز ضبط کر لی جائے گی اس کے ساتھ ساتھ رقبہ واگذار کروانے اورقانونی کارروائی کے بھی احکامات جاری کئے تاہم صورتحال کے برعکس سرکاری عملہ کی جانب سے عملی طور پر کوئی خاطر خواہ اقدامات اٹھائے گئے اور نہ ہی رقبہ واگزار کروانے کےلئے کوئی کوشش کی گئی ،

یاد رہے کہ قبل ازیں بھی اسی قریبی رقبے پر قبضہ کیا گیا تھاجس پر پٹواری کی مدعیت میں بعض ناجائز قابضین کے خلاف مقدمہ درج کیا گیا مگر اس کے بعد چپ سادھ لی گئی ،جس کے باعث قبضہ مافیا کے حوصلے بلند ہو گئے اور لوگ قریبی سرکاری رقبے پراب روزانہ کی بنیاد پر زیادہ سے زیادہ مزید ناجائز قبضے کر کے پلاٹ بنانے میں مصروف ہیں،

اہل علاقہ کا کہنا ہے کہ اس ضمن میں باضابطہ درخواستیں دے چکے ہیں جن میں سرکاری رقبہ پر ناجائز قبضے فوری طور پر روکنے کی استدعا کرنے کے ساتھ ساتھ وسائل اور مشینری فراہم کرنے بھی پیش کش کی گئی ،مگر کوئی ایکشن نہیں لیاجا رہا،ناجائز قبضوں یہ سلسلہ کچھ عرصہ سے بغیر کسی وقفہ کے جاری ہے،

دن دیہاڑے تعمیرات قائم کی جا رہی ہیں اگر اسی طرح قبضے ہوتے رہے تو چند روز میں سارے کا سارا سرکاری رقبہ مافیا کے زیر تسلط آ جائے گااہل علاقہ نے کمشنر سرگودھا اور ڈپٹی کمشنر سرگودھا سے سرکاری رقبہ واگذار کروا کر یہاں پارک یا گراﺅنڈ بنانے کی استدعا کی ہے ۔