مزید دیکھیں

مقبول

تعلیم کا نیا سنگِ میل، چھابری زیریں میں الایمان ایجوکیشن سسٹم کا شاندار افتتاح

پیر عادل،باغی ٹی وی( نامہ نگار باسط علی گاڈی)علم روشنی ہے اور اس روشنی کو پھیلانے کے لیے عید الفطر کے دوسرے روز چھابری زیرین، تونسہ روڈ ٹبے والی پل کے علاقے میں "الایمان ایجوکیشن سسٹم” کے نام سے ایک نئے تعلیمی ادارے کی افتتاحی تقریب منعقد ہوئی۔ یہ سادہ مگر پروقار تقریب تعلیم کے فروغ کے عزم کا مظہر ثابت ہوئی۔

ادارے کے سرپرست و علاقے کی معروف سماجی شخصیت ملک فیاض آرائیں اور پرنسپل محمد ذیشان آرائیں (ایم فل) کی سربراہی میں منعقدہ اس تقریب کے مہمان خصوصی لیکچرار گورنمنٹ کالج ڈیرہ غازی خان ملک محمد ارشد آرائیں تھے۔ پروگرام کا آغاز حافظ محمد سہیل نے تلاوتِ کلامِ پاک سے کیا۔

مہمان خصوصی ملک محمد ارشد نے خطاب کرتے ہوئے کہا کہ ہمارے علاقے میں تعلیمی اداروں کی کمی ایک بڑا مسئلہ ہے اور "الایمان ایجوکیشن سسٹم” اس کمی کو دور کرنے میں اہم کردار ادا کرے گا۔ انہوں نے ادارے کے قیام کو علاقے کے لیے ایک سنگِ میل قرار دیا۔

پرنسپل محمد ذیشان آرائیں نے اپنے خیالات کا اظہار کرتے ہوئے کہا، "میری تمنا ہے کہ میں اپنے علاقے میں تعلیم کی کمی کو دور کروں اور اپنے لوگوں کی خدمت کر سکوں۔ یہ ادارہ میری اس خواہش کا عملی روپ ہے۔”

آخر میں ادارے کے سرپرست ملک فیاض آرائیں نے کہا کہ "میں نے ہمیشہ اپنے وطنِ عزیز اور علاقے کے لیے کچھ بہتر کرنے کی خواہش رکھی۔ مجھے یہ احساس ہوا کہ ہمارے علاقے میں تعلیم کا فقدان ہے اور ہم اس کمی کو پورا کرنے کے لیے پرعزم ہیں۔”

ڈاکٹرغلام مصطفی بڈانی
ڈاکٹرغلام مصطفی بڈانیhttp://baaghitv.com
ڈاکٹرغلام مصطفی بڈانی 2003ء سے اب تک مختلف قومی اور ریجنل اخبارات میں کالمز لکھنے کے علاوہ اخبارات میں رپورٹنگ اور گروپ ایڈیٹر اور نیوز ایڈیٹرکے طورپر زمہ داریاں سرانجام دے چکے ہیں اس وقت باغی ٹی وی میں بطور انچارج نمائندگان اپنی ذمہ داری سرانجام دے رہے ہیں