گوجرانوالہ،باغی ٹی وی (نامہ نگارمحمدرمضان نوشاہی) سفاک سسرالیوں نے طلاق کے بدلے آڑھتی کو اجرتی قاتلوں سے قتل کروا دیا
تفصیلات کے مطابق گوجرانوالہ کے تھانہ اروپ کے علاقہ میں ایک دل دہلا دینے والا واقعہ پیش آیا ہے، جہاں سفاک سسرالیوں نے طلاق کے بدلے آڑھتی کو اجرتی قاتلوں کے ذریعے قتل کروا دیا۔ مقتول فہد منیر لکڑ منڈی میں اپنی دکان پر موجود تھا کہ نامعلوم افراد نے ان پر فائرنگ کر دی۔ فائرنگ کے نتیجے میں فہد منیر موقع پر ہی دم توڑ گیا۔
پولیس حکام کے مطابق فہد منیر نے چند روز قبل اپنی بیوی کو طلاق دی تھی۔ ابتدائی تحقیقات میں یہ بات سامنے آئی ہے کہ مقتول کے سسرالیوں نے اجرتی قاتلوں کے ذریعے فہد منیر کو قتل کروایا ہے۔
واقعہ کے بعد علاقے میں خوف و ہراس پھیل گیا ہے۔ پولیس نے مقدمہ درج کر لیا ہے اور ملزمان کی گرفتاری کے لیے چھاپے مارنے شروع کر دیے ہیں۔ پولیس حکام کا کہنا ہے کہ وہ جلد ہی ملزمان کو گرفتار کر لیں گے اور مقتول کے خاندان کو انصاف فراہم کریں گے۔
