گوجرہ:سابق ایم این اےخالد جاوید وڑائچ اور اسد الرحمن کی کمشنر فیصل آباد سے ملاقات
گوجرہ، باغی ٹی وی(نامہ نگار عبد الرحمن جٹ) سابق ایم این اے اور وفاقی پارلیمانی سیکرٹری برائے پلاننگ اینڈ ڈیویلپمنٹ چوہدری خالد جاوید وڑائچ اور سابق وفاقی وزیر میاں اسد الرحمن آف کمالیہ نے کمشنر فیصل آباد محترمہ سلوت سعید سے اہم ملاقات کی۔
ملاقات میں حلقے کے عوام کو درپیش مسائل پر تبادلہ خیال کیا گیا اور ان مسائل کو ترجیحی بنیادوں پر حل کرنے کے لیے اقدامات کی ضرورت پر زور دیا گیا۔ محترمہ سلوت سعید نے عوامی مسائل کے حل کے لیے ہر ممکن تعاون کی یقین دہانی کروائی اور کہا، "عوامی مسائل حل کرنا میری اولین ترجیح ہے۔ میرے دفتر کے دروازے ہر وقت عوام کے لیے کھلے ہیں اور کسی قسم کی دشواری برداشت نہیں کی جائے گی۔”
اس ملاقات کو عوام کے مسائل کے حل کے لیے ایک مثبت پیش رفت کے طور پر دیکھا جا رہا ہے، جس سے حلقے کی ترقی اور عوامی فلاح و بہبود میں بہتری کی توقع ہے۔
